الزوج..... الزوج ..... الزوج؟؟؟؟؟؟؟؟؟؟؟

السلام عليكم ورحمة الله وبركاته


يابنات ويا متزوجات احترنا مع ذا الزوج نسوي نسوي نسوي ولا هو عاجب بس الحمد لله على كل حال

يامتزوجات كيف اخلي زوجي يكون كريم معي؟؟

ماجاء يوم وفي يده شي لي ابدا ابدا ابدا من يوم اتزوجت غير مره وحده وانا اللي طالبه الهديه !!!!!!!!! بعدين لما شفته مرررررره زودها سرت اقوله بمزح في المناسبات طبعا وين هديتي؟؟ يقول لي والله انك ما تستحين في احد يطلب هديته؟؟؟؟؟؟؟؟ اجلس القط وجهي من الفشله

حاولت معاه ودايما اتكلم معاه في هذا الموضوع لكن لا حياة لمن تنادي

الصراحه انا لما اشوف اهلي كل وحده زوجها يجيب لها وانا لا تحز في نفسي ليش؟؟؟ انا ايش ناقصني ؟؟؟؟؟

انا في بيت اهلي ابوي دايما يهدي امي ويهدينا حتى وانا متزوجه ما يجي العيد الا وهديتي من ابوي عندي

تعبت معاه وهو مو راضي يتعدل من هذي الناحيه

غير كذا مفشلني مع الناس طبعا الناس في المناسبات يتهادون صح ولا لا؟؟ ولاده زواج مباركه ببيت تحميد بالسلامه وغيره...........

لكن اللي عندي ابدا ما يعترف بالشي هذا يقول الهدايا جاتلي؟؟؟؟؟؟؟ جاتك انتي انتي رديها مو معقول انتي تتهدي وانا ارد؟؟؟؟؟؟؟؟؟؟؟!!!!!!!!!!!!!!!! كل الرجال متكفلين بحريمهم من الى الا انا !!!! اقول طيب بنتك اللي جاتها هدايا هي اللي بتقوم تهدي ؟؟؟؟؟؟؟؟ مع انه في عائلته معروف انه الرجال يسوي كل شي لزوجته لدرجة انهم يتسلفوا عشان يرضوا حريمهم بس انا اللي مقصر عني


طيب انا من فين لي؟؟؟اذا انت ما ترحم ولا انك راضي ان رحمة ربنا تنزل؟؟يعني انت ما بتجيب لي انا من فين اجيب؟؟


تعبت معاه

ونسيت اقول لكم انه هو يعطيني مصروف شهري منه اكل واشرب واتعالج واصرف فيه على نفسي وكل شي لانه انا عند اهلي لظروف معينه ولما اكون عنده لا هو اللي بيصرف ومصروفي معايه يعني باصرفه على كيفي وطبعا كله باصرفه على البيت وعليه باجيب له هدايا قال قال اعلمه لكن ولا هو هنا بالعكس شايف انها من حقه يعني فلوسه ماراحت هدر زي ماهو دايما محسسني وما اقدر اصرف من المصروف اللي هو معطيني اياه لانه اصلا قليل وانا احتاجه تعرفون اشياء حريم

تعبت معاه الله يسعدكم ويسخر لكم ازواجكم دلوني على الحل واللي تساعدني والله لادعيلها وين ماكانت