الزوج صاحب المزاج المتقلب..

عادي يا قلبي الرجال كلهم هيك

اقري كتاب الرجال من المريخ والنساء من الزهرة وبتلقين شرح وافي حول هذه الحالة التي تصيب الرجل

طنشي يا عمري ولو انه صعب لكن ما باليد حيلة

مالك الا الصبر لان النوعيه ذي ماااااااااااااااااااااااااالهم علاج والله يعينا يارب

عاااادي يا عمري عندنا وعندك خير بس من خبره في هالنوعيه اقولك إذا شفتي النفسيه خربانه طنشيه لا تقولين وش فيك ولا ترمين نفسك عليه واشغلي نفسك بالمفيد وخلي الضحكه شاقه وجهك وإذا زالت الحاله استمري على ما انتي عليه لا تقولين وش فيك امس وقبله ولا وش غيرك لا هلي ورحبي وكأنه ما صار شي ولاتره بيقلب عليك وبيقول انك انتي النكديه ونصيحه عيشي حياتك ولا تلتفتين لتنغيصه عليك ولا تفكرين كثير عندي واحد كذا واتبعت معاه الكلام اللي قلته لك والحمدلله صار إذا جته الحاله يقعد 2 3 ايام ثم يرجع اول بالأسابيع
الله يوفقك ويسخره لمك واضح انك جديده عنده عروس بكره تتعودين وتحبينه بكل عيوبه

أشكركم على الردود ايه عروس بس المشكله يقول اذا شفتيني في الحاله ذي طلعيني منها وأنا من النوع اللي اذا صارت مشكله اوقلب كذا ماأعرف اتكلم على طول اسكت ويقعد يترجى فيني اتكلم وانا مااقول ولا شي لان من جد ماعندي شي اقول أحس الكلام كله يمسح من عقلي عشان كذا أنا احتار مدري وش اسوي؟؟

ياعمري سوي اي شي عشان تطلعيه من مود النكد
شوفي هو وش يحب وسوي له، قولي له نكتة مثلا، او جيبي لعبة تلعبونها مع بعض
لا تضحكين عليُ، والله العظيم اني جبت من اسبوعين لعبة الحية والسلم تعرفينها؟؟؟؟ قديمة حيل يعني غبااااار وحطيتها ع الطاولة يعني عاملة نفسي مو متعمدة ما اشوفه الا هو قال وش هاللعبة يا سلام من زمااان من لعبتها تعالي نلعب.. ونسى الزعل
ابتكري لك حيلة والله يكون بعونك واذا ما فاد مالك الا الصبر لكن اياك والتكشيرة والنكد ترى تحسسيسنه انه هو المسؤول عن زعلك وتزيد الحالة عنده والله يوفقك يارب