الزياره الخميسيه

إحنا عدنا نفس المشكله بس يوم الأربعاء أولاد الأخ والأخت *وأبناء أخت* حريم إخوانا وزيادة عليهم أولاد الجيران وأصدقاء الصف المقربين في المدرسه وطبعا شغالاتهم فتكون كارثة ما نسمع بعض يوم نتكلم ولا نقدر حتى نشوف تلفزيون وآخر شي يكون عدنا صداع فظيع في نهاية السهرة ...

انا من النوع اللي ما يعرف يتعامل مع الاطفال الصغار اللي تحت الـ3 سنوات .. لأن يبالهم دلع ومعاملة خاصة .. اما بقية الاطفال فدام ان اشراكهم في الالعاب الجماعية ممكن فالتعامل معاهم اسهل..

في حلول بسيطة وكنا نسويها انا واختي واخوي للسيطرة على هجوم التتار في بيتنا او في بيوت الغير ..
تاخذينهم لمكان من البيت ما يوصل ازعاجكم وضحكم للكبار .. تجمعين فيه العيال وتشغلينهم بالألعاب ويفضل تكون ألعاب جماعيه وحماسية وطبعا هالشيء بيرهقكم ولكن تضمنين على الاقل انهم تحت السيطرة
فكري بالألعاب الجماعيه والاسئلة والمسابقات أو تسوون مسرحيه أو حتى مدرسة أو دكان لعبة بيع وشراء وتعلمينهم في نفس الوقت بعض السلوكيات الزينه من خلال اللعب .. سميهم باسماء او صفات جميلة جديدة تطلبين منهم التصرف على اساس الاسم مثلا ..
مب شرط انتي تجلسين وتنظمين معاهم عطي المسؤولية لحد من الأطفال الكبار ..
تجمع الأطفال بهالاعداد الكبيرة شيء رااائع انا كنت استمتع باللعب وايد رغم أن بينهم أطفال مشاكسين وخصوصا اولاد عنيفين .. المهم تختارين لعبة وما تتحكمين بهم بشكل عسكري..

عندنا وعندك خير
تعالي اخر الاسبوع عندنا وشوفي العجب العجااب
انواااع الحوووووووسة

المشكلة اذا كانت الأخت لديها امتحانات ومذاكرة صعب تركز ولو يتفقوا يقسموا الزيارات كل اسبوع شخصين فقط ارحم

ضحكتيني طريقة سرد الموضوع والردود اكثر

فعلا مثل اللي صاير عندنا في بيت الابو العود (بيت الجد) تلاقين اعيال خالاتي وخوالي عافسين الدنيا وامهاتهم ما يقولون لهم شي ,,اللي يمشي وشنطة خالتي الصغيرة تسحب معااااه,, واللي يسوي العاب رياضية على سرير خالتي :7_5_131: واللي يشتغل بالثلاجة,, واللي يطلع اغراض خالتي من الكبت ,,يعني شقول لج عفسة والمشكلة عندنا اكثر يعني اذا قلتين لوحدة من خالاتي او خوالي ترى ولدج عفس المكان ووسوى هالشي قالت لا ولدي ما يسوي :( ,, هذا كووووووم واهواش اليهال كوم آخر وخصوصا اذا تدخلوو الكبار في السالفة ,, احس يوم الجمعة يوم من التعذيب الاجباري علينا كلنا وعقب السهرة ارد البيت وراسي يفتر وحالتي حالة كأني طايحة من فوق جبل