السجل التجاري

أتوقع لوتسألي في القسم التجاري بتلاقي اجابة ...

اهلين اختي ..

فيه مكاتب خدمات عامه بالرياض , يخلصون لك السجل التجاري وانتي مرتاحه في مكانك , ويكلفك رسوم ( 1900 ريال ) بالاضافه الى اتعاب المعقب بحدود ( 400 ريال ) , ويخلصه لك خلال ثلاث ايام بالكثير ..

وتحياتي ,,,

ما يحتاج معقب ومصاريف زيادة مش ضرورية

1- تكوني سعودية
2- يكون عندك عقد إيجار لمحل أو مؤسسة أو مشغل وغيره (عقد أصلي يطلعو عليه وياخذو منه صورة)
- تحددين نشاطك التجاري ... مثلا استيراد أو مطاعم أو نشاط نسائي ... أيا كان
4- روحي لمركز خدمات سيدات الأعمال التابع لوزارة التجارة ولو كنتي في الرياض مكانهم قريب من محطة القطار
5- تدفعي رسوم ومش عارفة الأخت تقول 1900 ريال يمكن تغيرت الأنظمة مع إني مو من زمان طلعت سجلي بس أذكر الرسوم أقل من هذا المبلغ هو حسب مدة صلاحية السجل يعني تطلعي سجل يتجدد كل سنة أو كل سنتين أو كل خمس سنوات أنا طلعت سجل يتجدد كل سنتين
5- لو أوراقك جاهزة راح تاخذي السجل بنفس اليوم أو ثاني يوم


هذا اللي أتذكره الآن

وعلى فكرة السجل التجاري سهل مرة استخراجه ... المشكلة بالبلدية تصاريح المباني مو مشكلة أحيانا يرفضو تشتغلي بمجال معين أغلب المجالات خاصة بالرجال فقط يعني وزارة التجارة سمحتلي بالإستيراد والبلدية قالت لازم ادارة مؤسسة استيراد وبضائع جملة تكون إدارة رجالية وذلك لأن مجتمعنا ذكوري بس الحمدلله بما إنهم ألغو موضوع الوكيل الشرعي لسيدات الأعمال فكل مشاريعنا راح تكون في طريقها إلى إنها تشوف النور ... يارب والله يبعد عن مشاريعنا تعقيدات الروتين والبلدية

اختى dalia.dream يعنى مايحتاج يكون عندك مبلغ وقدره.............؟؟؟؟؟؟؟؟؟

لا أبدا ما يحتاج يكون عندك مبلغ وقدره وأنا حسيت بأهمية السجل التجاري لما استوردت بضاعة من مصنع بمصر وبهدلونا بالمطار عشان نقدر نطلع الشحنة من الجمارك لأن ما معنا إذن رسمي للإستيراد والكمية كانت تجارية و رحت استأجرت في سوق نسائي محل بإيجار شهري ب 1200 ريال بس الله يسامحها المديرة أخذت مني خلو رجل مبلغ مو كبير مرة بس ما كان لها حق تاخذه وعملت كذا مع كثيرات غيري الله يهديها ، ومبلغ لعقد الإيجار ... كنت وقتها تاجرة مبتدأة بس الآن تعلمت وما أدفع ولا ريال إلا لما أعرف هل هذا الشي رسمي أو مو لازم أستأجر بمكان مو مرتاحة فيه ولو حبيتي تأجري بمكان نسائي انتبهي من موضوع خلو الرجل ومبلغ العقد... يعني عندك مثلا في سوق باب رزق اللي في الرياض محلات ايجاراتها ب 1200 و في ب 800 ريال ... المهم يكون عندك عقد ايجار المحل و رسوم السجل هي بسيطة أتأكد منها وأكتبها أنا أذكر إني دفعت 500 ريال لسنتين ... يعني الموضوع كله رسوم السجل وعقد ايجار ومافي داعي لا لمعقب ولا لغيره والأخوات اللي في مركز سيدات الأعمال مرة معاملتهم راقية ويخلصو أمورك بسرعة ... يكفي ابتسامتهم الجميلة حتى يشجعون الوحدة على التجارة وحتى الأخوات اللي في البلدية مرة عسل ... بس البلدية اجراءاتها صعبة شوي بس السجل مو من عندهم الحمدلله