السكن مع أم زوجي كبرني 10 سنين والله تعبت

بسم الله

خواتي بنات عالم حواء قبل ما تزوج كان عندي عادي اسكن في بيت حمولتي طول عمري بس الحين:09: غيرت رايي

مش من حيث المبدأ ولكن من حيث ان الحموله تختلف والمسألة ما تقتصر على الحمولة الطيبين او الشريين، لي 4 شهور متزوجة ساكنة في شقة منفصلة في بيت خالتي ام زوجي الله يحفظها وهي حرمة كبيرة ومريضة وماتقدر تقضي حاجاتها ، زي ما ملاحظين انا وخالتي وشغالتها وبس،

خالتي ما شالله لا اله الا الله عندها ولد متزوج غيرزوجي بس مو جنبنا وعندها بنات ما شالله متزوجات وجنبنا ،، لكن للأسف فرق بينهم وبين خواتي يعني احنا نتجمع عند امنا كل اسبوع صحيح نتعبها بس نساعدها ونسمعها ونسوي العشا احيانا بس خوات زوجي كل وحدة لاهية ببيتها طبعا هم ما يجتمعون لكن كل سبوعين واحيانا اكثر تجي وحدة منهم بالكثير تجلس مع امها ساعة ايوة بالكثير وتروح وكذا طبعا خوات زوجي كلهم كبار يعني اكبر مني بكثير اعمارهم 35 وفوق ومنهم 40 و50


طبعا ام زوجي الشغالة تقوم فيها وانا عمري 20سنة وطالبة سنة ثانية بالرياض تخصصي صعب ولاهية انا الثانية بين دراستي وشغل البيت والطبخ وزوجي وصديقاتي واهلي واعتقد اي بنت بعمري كذا تكون حياتها

بس مشكلتي ان ام زوجي ماعندها الا انا:09: طيب الصبح اكون يا دوب صحيت على 7 ولا8 بفطر زي الناس برتب بيتي بشوف اموري طبعا انا مخصصة وقت معين اجلس معها الصبح ولا العصر لكن لو ما رحت لها الصبح غرفتها تجي لي بيتي وتقولي ليه ما جيتي فاقولها اني يادوب خلصت شغلي وتجلس تنتظرني عشان اخلص واروح معاها غرفتها طبعا ما ترضى تجلس ببيتي كثير ومشكلة خالتي هي انها نفسيتها تعبانة كثييير يعني دائما متضايقة ومالها خلق وتعبانة وقلبها يعورها مع هذا تبيني اجيلها وقت اللي تبي" اسليها"

مشكلتي باحساسي اني ماني حاسة انها معتبرتني بنتها زي الخالات يعني الخالات يهدون حريم عيالهم وبعض يساعدوهم وبعضهم يطبخون لهم يطلعون معهم يعني حتى لما احد يجي البيت ضيوف يجيبون لها طبخة ولا فاكهة ولا كيك وغيره اشوف بالثلاجة بس ما تقولي لو حبيتي اكلي مع اني اهديها وما اقصر معها بس في الايام الاخيرة والله تعبني اسلوبها دائما متضايقة ودايما تبيني معها وهي من النوع اللي اذا تبي الشي ما تسكت بالله كيف اتعامل معها يعني فوق اني عايشة وحيدة بالبيت ومامعي احد بعمري مع هذا تطلب مني اكثر من طاقتي تخيلوا مرة كنت بالجامعة من الصبح 7 الى الساعة 5 العصر دوبي راجعة ارتب بيتي وارتاح اشوي واتعشى وانام ، جت تسأل زوجي ماجت فلانة تجلس معي فقالها انها تعبانة، وتجي لي يوم ثاني في الوقت اللي تبيه البسي و تعالي معي !!

للاسف ماعندها احد يسليها والله يسامح بناتها الله يهديهم مخلينها لحالها كيف ما تمرض وتتعب والله اني اتمنى الله يرزقني بطفل التهي فيه شوية احس اني موجودة بالدنيا خصوصا ان زوجي دوامه طويل،،

ياربي لمتى راح ابقى على هذا الحال؟