السلام عليكم ورحمة الله
اخواتي لي فتره اشوف المنتدى ولا يوم يخلى من موال سلفتي ياسلفتي
انا صراحه استغرب منكم والله واضحك بداخلي
اللي تغار من سلفتها واللي تقول بتقلدني وتقوم الدنيا وتقول وش رايكم فيها عشرين مره في الصحفه
واللي ماتبي تدخلها بيتها تخاف من عينها وتفصل برادتها
واللي تخاف منهم وتخاف من نغزاتهم ؟
انتم اعطيتو موضوع السلفه اكبر من حجمه
وربي عندي اربع سلفات ولاعمرنا صاربيننا مثلكم لان اول شي تعاملنا رسمي ولانجتمع الا على خير ونتفارق على خير لانحش باحد ولانقول فلانه قلدتني وعلانه غارت مني استغفر الله قدايش اهل العقول براحه يعني خلصت همومكم بالدنيا ومابقى الاتخافي فلانه تقلدك والا تحسدك
ثاني شي الميانه الزايده والجمعه على الحش والكذب ونقل الكلام اللي تعبتكم واللي ببطنه ريح مايستريح ومن حكى لك حكى فيك
اذا شفتي سلفتك تحب البربره وتحاول تاخذك بصفها هذي سيفون بالليمون ولاتفكري فيها الاكل عام وانتي بخير بس كل سنه والحمدلله ع السلامه بعد كل الولاده
واللي تحاول تقلدك تراها معجبه بذوقك يالغلا يعني افرحي لو ذوقك شين محد فكر يقلدك
واللي تخاف من حسدهم تحصن نفسها ترا حتى الاهل اوقات يحسدون يعني بتقاطعي العالم عشان الوسواس
اخواتي ترا انا مابي الامصلحتكم الحين انتم ليه توجعو راسكم وتقابلو سلايفكم كل ساعه اعزموهم كل شهرين كل ثلاث اشهر ثلاث ساعات وابتعدو عن الحش في اهل الزوج صدقوني مايصير فيكم الاكل خير
الوحده يادوب تشيل هم عيالها وزوجها تطلع لهاغارات اجنبيه ليه
صدقوني الدنيا صارت تخوف وهذا اخر الزمان نسال الله السلامه الواحد الايام هذي صار يخاف على دينه عسى ربي يثبتنا بالقول الثابت
وخلاص اغسلو قلوبكم ترا مابقى شي القيامه قربت هذا موكلامي هذا كلام الله قبل 1432 سنه
قال تعالى (اقتربت الساعة وانشق القمر* وإن يروا آية يعرضوا ويقولوا سحر مستمر* وكذبوا واتبعوا أهواءهم وكل أمر مستقر* )
ربي اجعل اخر كلامي لا اله الا الله
يلزم عليك تسجيل الدخول أولًا لكتابة تعليق.
سرتاوية
•
كلامك عين العقل وبارك الله فيك وفعلا اصحاب العقول في راحة
fadawei
•
الله يحفظ سلفتي ويسهل عليها ولادتها ويزقها هي وزوجها كل اللي تتمناه والله اني احبها في الله
واعتبرها اختي
والثانيه جايه في الطريق باقي اسبوع وتتزوج
الله يبارك لها
عاد ياحبي لها
الحمدالله لك ياااارب
واعتبرها اختي
والثانيه جايه في الطريق باقي اسبوع وتتزوج
الله يبارك لها
عاد ياحبي لها
الحمدالله لك ياااارب
فعلا كلامك درر فعلا لازم نصفي قلوبنا ترى مايصيب الانسان الا المكتوب له وديم نبدا بالطيب والناس مابينهم الاالكلمة الطيبة وجمعتهم على الخير
*سكره*
•
الحمدلله ع العقل يااختي كبري عقلك وقولي الحمدلله يعني انتو مايصير بينكم مشاكل خلاااااااااص المفروض الباقين مايصير لهم مشاكل
الصفحة الأخيرة