السمّـِيعات اللميعات بنات حواء شوركم ما وراه شور

مشكلة الضابط في التعيين فممكن يعين في مناطق نائيه وبعيده ومتى بيحصل نقل يبي له سنين
والراتب اكيد ممتاز
اما الشخصيه العسكريه في البيت فمدري والله

الله يوفقه ان شاء الله
والوظيفة عمره ماتشكل شخصية الرجل ابدااا انا اعرف ظابط رومنسييي مرره
وعايش بسعاده هو وزوجتة
وواحد عايش عادي..
ماشفت ان الوظيفة او كونه عسكري وآوامر ياثر على حياته الشخصية
اما الراتب ماشاء الله يستلمون مباالغ
اما الدوام على حسب البحث الجنائي هذا ماتشوفة مرته لان اغلب وقته برى
اماغيره يكون في استلامات وظغط على حسب المكان او المنصب الي ماسكة ؟

بساط الريح تسلمين على الرد بس للمعلومية مدري هو ضابط ضابط والا ضابط عسكري>>> أقول يا شين اللي ما يعرف بهالامور

هي ما حددت لي وش مسمى وظيفته المهم شئ عسكري عاد شوفي وش هو يا جندي والا ملازم والا رقيب والا نقيب >> اسمع بهالرتب وانا مدري وين الله حاطن

بس والله فتحتي عيني على نقل ومناطق نائية هذي تسير لكل ضابط ولا بعضهم؟؟

همتكم يا بنات نبي رد يجزم الواحد والا لا

حرم النقيب تتكلكم >>>>>>>>>>>وخرو عنها.....ياستير استر
:-----------
انا زوجة ظابط الشيء الوحيد اللي ماحبيته بالظابط هو عدم استقراره يعني كل كم سنه بديره ويمكن يكون لها حظ وتطول ماتنقل لكن لاتنسى الدورات اللي تجيه سنويا تقريبا شبه سنوي
يعني اذا مايهمها انها تتوظف وبنفس الوقت تحب التنقل راح يناسبها
يعني انا معاي شهاده لكن ماهي بدرجه عاليه ((دبلوم حاسب))ولي اربع سنوات متزوجه مافكرت حتى اقدم للوظيفه او اسعى لها بسبب تنقل زوجي((مع العلم اني كنت مدرسة حاسب قبل الزواج يعني معي شهادة خبره))>>>>>>تسمع ودها احد يوظفها خخخخخخخخ
يعني شغلي مو على كيفي متى مابغيت اتغيب تغيبت!!!
اما بالنسبه لشغله اكيد راح يكون متعب بالنسبه لهم اما هي عادي ماراح يكون متعب لها لان دوامه عادي من صلاة الفجر لحد الساعه 1 او 1 ونص تقريبا الظهر
فيه بالشهر راح يكون يوم او يومين مرابطه يعني يقعد 24 ساعه في العمل
واصعب وقت واجهته في عمل زوجي وقت الارهابيين الله لايعيدها ووووووووبعدها الحمدلله
اما الشخصيه مااشوف انه يصدر اوامر عسكريه بالعكس اشوفه يرتاح من الدوام بالبيت كثييييييييير ويحس بالفرق بسبب الشقى اللي يلاقونه بالدوام واحس انه يحس بالانثى اكثر من غيره بسبب خشونتهم((على ان زوجي مو مره خشن للأسف))
اما الراتب على حسب رتبته اذا ملازم اتوقع بحدود ال6000 واذا ملازم اول بحدود ال7 وشي الى الى الثمانيه واذا نقيب حوالي العشره وهكذا على حسب الرتبه طبعا انا اعطيتك التقريبي لاني مو متأكده
لكن بالنسبه للوظائفه الحكوميه انا اشوف ان الظابط هو افضل راتب................لكن المدرس اريح بشغله
وووووووووووووو وش بعد
بس اهم شيء يااختي مو الفلوس والا الاشياء هذي كله
خليها تحرص ان هالشخص اللي تقدم لها رجل متدين او مستقيم على الاقل والله راح تسعد معه حتى لو ماعنده مال
لكن اللي مايخاف الله في حياته كيف يخاف الله في حرمه؟؟؟:(

الله يوفقها
وان شاء الله يعجبكم تقريري المفصل والممل

جيتارا الله يسعدك على ردك

بس ياليت اذا فيه تفاصيل وكنت تعرفين أحد مثل مرتبته وكم يستلم ؟؟
يعني مايكون الكلام عام

والف شكر الله يوفق الجميع حبيبتي