صبااح الخيرات يا أحلى عضوات .. قوة للجميع ..
السالفة ومافيها ياطويلات العمر إني كنت يوم الخميس مع وحدة من قريباتي وكنا نسولف عن البرد والشغل وهيك أشياءالمهم جبنا طاري الشغالة قالت لي إنتوا تحطون عندها دفاية قلت إييه اكييد قالت أجل أنا والله مااأفكر أحط عندها أهي مزعجتني تبيها وأنا سافهتها قلت وليه ؟؟؟؟ وأنا براسي ألف علامة إستفهام !!!!:16:
قالت والله تخبرين الواحد اذا قعد عند الدفاية يتكااسل ويجيه النوم !!!! قلت وإذا اهي مالها حق تتدفى مثلكم إهي ماتحس بالبرد اللي تحسونه وش ذنبها إذا إنها تحمل مسمى شغالة !!
قالت أنا والله جايبتها تريحني بها البرد موب تتسدح عندها والله يابنات ماتخيلت فيه حريم بها التفكير ولاتخيلت في قلوب منزوعة منها الرحمة لها الدرجة أنا من جد تفاجات فيها ..قللت لها أيهم أولى اللي تكرف من الشغل من تصبح إلى أن تمسي وإلا اللي متسدحة ومغير سواليف وأكل .. من اللي أحق بالدفاية إنتي وإلا أهي .. سكتت ولا إجاابة ...
وقعدت أتكلم عليها أنا ووحدة معي قلت لها ليه تراها إنساانة مثلك مثلها وتعيش مثل حياتك لها أهل ولها عيال ولها زوج لكن كل مافي الأمر حدتها الظرووف وجت تشتغل قمتي جردتيها من أبسط حقوقها قلت لاتكونين مانعتها بعد من البطانية عشان ماتطول وأهي ناايمة !!!!!
لها الدرجة ياااحريم وصل نقص عقولنا ؟؟ اتقوا الله فيهم وبالأخير تجي تشتكي الوحدة إنها حاطة لها سحر أو ضاربة عيالها او او او طيب ليييه إهي ماتسوي هالأشياء إلا أنها تتنتقم من رااعية البيت ومن الظلم اللي تعانيه عندهم ...
لكن نصيحتي لكل العضوات اللي بالمنتدى واللي تقرا موضوعي وتسوي مثل سواة هالحرمة أقول لها ترا الأيام دواارة وكل قوي يجي من هو أقوى منه .. وخاافي الله من دعوة تدعيها عليك باخر الليل ودعوة المظلوم مستجاابة ..
إذا والله شااحة عليها بدفاية على الأقل تكرمي وحولي مكيفها على التدفئة عشان مااتتكيسل عن الشغل على قولتك ..
الله يهدي بعض الحريم وينزل في قلوبهم الرحمة ... :06:
وعذرا طولت عليكم لكن شي ضاايقني والله وحبيت أنبهكم عليه .. وسلامتكم يالغاليات ..
أختكم النجمهـ ..:32:
المؤمن يحب لاخيه مايحب لنفسه
الله يهدي ويصلح