(((الشغاله نقدر نستغني عنها ))) عطونا ارائكم وتجاربكم

انا ماعندي غير ولد ومو ملحقه على الشغل
بصراحه افكر اذا جبت ثاني اجيب شغاله
ماتخيل اني بقضي حياتي كلها اكرف ودايم يدي على قلبي
لاني احب اعزم الناس وصديقاتي واحب اشكل بالطبخ والحلويات لزوجي وعلى كذا المواعين توصل لباب المطبخ


بس بصراحه من كثر اقرى عن مشاكلهم بالمنتدى كرهتهم
وقلت ابي رز ولحم وبصك بابي ههههههههههههههه

بصراحة اشوف انه ماالها داعي ابدن ا كانت ربة البيت في عز شبابها مايحتاج انها اتيب شغالة
اهم شي ايكون عندها العزيمة والهمة في ادارة شؤن البيت او احين متوفرة اجهزة تسهل من الاعمال المنزلية مثلا:
الغسالة الاتوماتيك + النشافة الاتوماتكيك
الكواية الي بالبخارتقدر ربة البيت انها اتوصل الملابس لمحلات الكوي
غسالة الصحون
اجهزة وايدة او انتم عارفين
و الحركة والعمل في المنزل يعطي الوحدة نشاط و حيوية ويقلل من نسبة السمنة والامراض هاي من ملاحضاتي
او اشوف مسالة الشغل في البيت يبالها طولة بال

ما نستغنى عنها طبعا وانا رايي مو كل الشغالات نفس بعض وهم في الاخير بني ادم اذا عاملتوهم باللتي هي احسن ما رح تجدوا منهم الا الخير والعكس صحيح.

انا جلست خمس سنوات بدون شغاله
بعدين جبتها وما لقيت الا المشاكل مع اني من النوع اللي اخليهم على راحتهم
والحين رديت دون شغاله والحمد لله
اهم شيء انك تنظمين وقتك وتخلين كل شغله بيوم محدد علشان ما يتراكم عليك الشغل
ولاحظت انك اذا بتشتغلين عشوائي بيكون الشغل كثير وملل
اهم شيء تسوين جدول للاعمال وبتلتزمين فيه وبعدها رح يسهل عليك كل شيء وتتنظم حياتك

هلا اختي طال السفر
موضوعك جميل وانا من الناس اللي مااحب الشغل للأسف متعودة من عند اهلي بالخدمة بس ماتحسين فيهم وانتي عند اهلك لاكن في بيتك والله قاعدة على راسي مافي حرية صح تخدمني ولاكن كاتمة انفاسي وياليت استغني عنهم هم وبلاويهم ومو شرط اذا عاملتيهم زين بيخلصون الأغلب يتمردون


وسلامتكم،،،،