الشك بيقتلني ابغى اتأكد وارتاح

السلام عليكم ورحمة الله وبركاته
وكل عام وانتو بخير
انا جديده عليكم بس متابعتكم من زمان واحبكم بس مو كلكم طبعا فيه منكم اللي تنحب وفيه اللي ما تنطاق المهم ان شاءالله اني اكون خفيفه ع قلوبكم
مشكلتي مع زوجي اني صرت اشك فيه بشكل ما تتخيلوه رغم اني ما مسكت عليه شي واضح ما غير احساس فيا قووي مرا ومتعبني كثير
صارلي متزوجه تقريبا ٨ سنوات وعندي اطفال ومرتاحه ومبسوطه في حياتي واحبه ويحبني
لكن صرت الاحظ فيه تصرفات يا بنات غريبه وتشكك مثلا جواله صار بقفل بعد ما كان مفتوح وغيره وغيره وغيره هي حاجات بسيطه ولكن اثارت الشك فيا ما ابغى ادخل بتفاصيل اكتر بس هو تغير في حاجات مرا كثير وبصراحه انا فكرت احط له جهاز تسجيل صوت بالسياره وطلبته وكان ح يوصلني امس بس ما اخذته ما ادري ترددت
نفسي اعرف واتأكد وارتاح لاني جد تعبت ونفسيتي اتغيرت ما ابغى اكون مغفله والله

استشرت اخواتي وكلهم رفضو الفكره خايفين يقولو بتخربي بيتك بهالحركه وحرام التجسس ومن هالكلام وما اقتنعت في كلامهم بلمرا

لاني ما اقدر اتحمل الشك واحس انه من ابسط حقوقي اتأكد من خيانة زوجي لي
انا ادري انه خووف اخواتي علي من الطلاق اذا لا سمح الله طلع خاين وانا كل العواقب ما تهمني قد ما تهمني راحتي لما اتاكد
لاني اوقات اقول يمكن ظالمته ويأنبني ضميري واوقات اقول لا انا مغفله وكل شي واضح
حاولو تفهموني وتحسو فيا واعطوني رائيكم بفكرة جهاز التسجيل
والله يجزاكم الخير