الشيز كيك؟؟؟؟

مرحبا....

من فترة و أنا ادور على وصفة الشيز كيك بالفراولة .. وحاولت أدورها هني بس ما عرفت أحصلها.

المهم لقيتها في أحد المواقع الأخرى وهي كالتالي:

المكونات والمقادير:
ظرف دريم ويب
- 4/1 كوب حليب سائل
- 2 علبة جبنة فيلادلفيا ( حجم 200 جم )
- 4/3 كوب سكر
- 1 علبة قيمر KDD ( حجم 4/1 ليتر )
- 2 ظرف جيلاتين بدون نكهة
- 1 كوب ماء مغلي
- 2/1 كوب ماء بارد

القاعدة :
- 16قطعة بسكوت دايجستف ( حجم 250جم )مطحون ناعم
- 3 قطع جبن كيري ( أو أي جبنة قابلة للدهن )
- 1 قالب زبدة غير مملحة مذابة ( حجم 113.5 جم )

طريقة التحضير :
- لعمل القاعدة//

يخلط البسكوت والزبدة والكيري >>> يرص في ماعون ذو قاعدة متحركة
، ويدخل الفريزر بعد ذلك .

الطبقة الثانية :
- يخلط الدريم ويب مع الحليب >>> حتى يتكثف .
- يضاف القيمر والجبن والسكر >>> حتى يختلط تماما .
- يذاب الجيلاتين في الماء المغلي >>> ثم يضاف له الماء البارد .
- يضاف خليط الجيلاتين إلى الخليط السابق >>> ويصب في الماعون فوق البسكوت .
- يوضع بالثلاجة لمدة لا تقل عن 5 ساعات ...
- يزين إما بالفواكه الطازجة / بسكوت مطحون / شوكولاته السائلة .


طبقت الطريقة بالحرف .. وعقب كل خطوة أذوق عشان أتابع النتيجة .. يعني مثلاً حسيت إنها تحتاج سكر زيادة فزدته (حطيت كوب بدل 3/4) وطلع الطعم أحلى.

المهم .. كانت الأمور ماشية عال العال والطعم حلو لين وصلنا لخطوة الجيلاتين ... :(

بعد ما حطيته طلعت النتيجة ........ :09:

صراحة طلعت وايد جامدة وبالزور تتقطع .... وطعمها ....... :09:

كانت فاشلة بكل المقاييس رغم أن طعمها كان وايد حلو قبل ما أحط الجيلاتين.


اليوم الثاني سويتها مرة ثانية بس بدون الجيلاتين ... وأضفت من عندي مقدار ملعقة صغيرة من طعم الفراولة (ما أعرف شو اسمه .. بس نفس الغرشة الصغيرة اللي تكون بالفانيليا .. بس استعملت فراولة) .. .. واشتريت صوص الفراولة من باسكن روبنز وحطيته من فوق .. وبدل بسكوت دايجستف حطيت بسكوت الشاي اللي يكون في الباكيت الأصفر (بعد ما أعرف اسمه) ..... الصراحة طلع الطعم يجنن .. وعوض فشل المرة الأولى :icon28:


بس ...... كانت في مشكلة صغيرة :huh:

ما كانت متماسكة بالشكل المطلوب .. يعني ما ينفع تتقطع مثل ما هو مفروض.

فشو الحل؟؟؟؟؟؟

مع الجيلاتين النتيجة كانت وايد فظيعة :09: .. وبدون جيلاتين كانت وايد مايعة :(


سؤالي ...

إذا الجيلاتين ضروري لتماسك الكيكة هل ممكن أنقص المقدار شوي .. لأن باكيتين كانو وايد وخربوا الكيكة .. يعني مثلاً هل يكفي أستعمل ربع باكيت بس؟؟؟؟ .... وإذا الجيلاتين مب ضروري فهل في شي غيره ممكن أضيفه عشان تتماسك الكيكة شوي؟؟؟؟

أخت زوجي قالت لي غيري الفيلاديفيا وحطي كيري .... بس أنا ما رضيت لأن طعمها بالفلاديفيا كان وايد حلو وأنا ما أبا أخرب الطعم .. وبعد لأني ما اقتنعت أن تغيير نوع الجبن ممكن يأثر وايد في تماسك الكيكة.


بليز يا بنات .. زوجي يحب الشيز كيك وايد ... وأنا كنت ناوية أسوي له مفاجأة يوم يرجع من الدوام هالاسبوع واسويها في ذكرى عرسنا .. وسرت واشتريت صينية على شكل قلب عشان اسويها فيها .. بس مب عارفة كيف اضبطها :(

شوفو لي حل عشان ما افتشل جدامه :(