الصيف قرب وعذابي من الصيف((والله بموووووووت قهر))

بدخل بموضوعي بسرعه مقدر ارتب افكاري

العام والسنه هذي بسافر زوجي خارج السعوديه لكن الدوله خليجيه

لما جاء للبيت قالي اجهز شنطته عشان بسافر اليوم المغرب لدوله هذي ودخل الحمام (الله يعزكم) وبدى ينضف جسمه ودخل ينام

المشكله إذا سافر لازم اروح لبيت زوج امي وانا عندي مليون مشكله بمكوثي عندهم
ولا عندي خوات او اخوان اشقاء كلهم اخواني من امي ومعاملتهم سيئه لي

بس تدرون وش المشكله اللي تذبحني إني اشك في زوجي لحد اليقين وإذا صارحته بذالك زعل ويقول روحي لبيت اهلك لحد ما ارتاح من جرحك وترتاحين انتي وترجعين لعقلك

انا ماقلت له عن مشاكلي مع اهلي اخاف يمارس قوته علي

لكن الحق ينقال انه عمره ماجرحني بكلمه او رفض لي طلب إلا طلب ترك السفر

واي شي يعجبني بالسوق يشتريه لي دون تردد

حتى لما ارجع من مسيار عند اهلي وتحصل مشكله واكون ابكي اقوله امي تعبانه واخاف افقدها مثل ابوي
مستحيل اقوله عن مشاكلي معهم
بس من زواجي وهو كل ست شهور يسافر مره يجلس اسبوع او إسبوعين
عمره ماأخذني معه او فكر يمشيني وكل ما اقوله يقول إذا بروح سوا لازم اهلي معانا احس إنها عذر عشان يصرفني

وإذا سألته ليش ما روح معاك يقول ما أحب اسافر إلا مع اصحابي وانتي شكاكه

مع إن تصرفاته إهي تخليني اشك فيه...........
1)إهتمامه بنفسه قبل السفر
2)رفضه إني اسافر معه باعذار وهميه
3)تكرار سفره وقت معين وشكل مكرر لنفس الدوله
4)تعلق بالسفر بشكل غير طبيعي
5)مايقولي عن سفره إلا قبل يمشي بساعات ويقول عشان ما تعطيني موالك كل مره

لا تقولون متزوج لان مافيه شي يأكدلي هذا لاني مره خليته يحلف على القرآن انه مو متزوج علي

سويت المستحيل عشان يترك السفر ومافيه فايده بكيت وقلت إني مقدر على بعدك!!!
قلت من راح يجيب إحتياجاتي انا وبنتك!!!
إخلي بنتي تبكي واقوله بابا بيروح وإذا سألها تعيد نفس كلامي وإذا حاول يسألها أكثر تزيد من البكاء
مره لما سافر ورجع كلمني قال انا كملت الطريق لبيت اهلك لان بيت اهلي خارج المدينه اللي انا ساكنه فيها وقلت له ماراح ارجع معاك
بعدها ما كلمني اسبوع وكل ما سألوني اهلي عنه اقول مارجع من السفر
إخوي كلمه على جواله سأله متى رجعت من السفر وقاله اسبوع

اخوي قال لابوه إنه رجع...............وبكل قسوه وعنف قالي من بكرى ترجعين بيت زوجك ما ابي اشوفك عندي هنا

المذله دقيت على زوجي قلت له تعال خذني جاء اخذني

رجعت للبيت وماتكلمت معاه جاني وجلس يبكي عندي ويقول وش خطئي خلاك تتركيني انا مااسافر للحرام انا احب اغير جو واقوله انا معاك يرجع ويقول ما احب اسافر معاك

واخاف اسوي حركت العام وتكون النتيجه وحده؟!

بنات وش الحل انا تعبت مرضت.


إذا رحت بيت اهلي شفت الهم كله وعند زوجي احس إني كرامتي معدومه.

صح عند زوجي طول الفتره اللي مافيها سفر مبصوطين مع بعض لكن راااااااااااااااافض فكرة نسافر سوا

لكن اصبر نفسي بالدعاء إن شاء الله يستجاب دعائي عاجلا" غير آجل.

الله لايريكم مكروه ويفرج على كل وحده قرت موضوعي ودعت لي بظهر الغيب لو ماعطتني حل

ويطول بعمرك وعمر من تعزين ومايذلك لأحد ويفرج كل كربه للي تساعدني بحل.