الضرب المبرح للزوجه

انا كلما تجيني وحده من صديقاتي وتستشيرني في موضوع واكون عاجزه احكم فيه على طول افكر استشير خواتي الحوائيات
صديقتي متزوجه من 12 سنه تقريبا وهي وزوجها يحبوا بعض بس تصير بينهم مشكلات كأي زوجين وهم الإثنين عصبييين ناااار ، المهم في آخر مشكله وبسبب تاااافه ولان زوجها سياسته يطنشها قامت هي وقالت خلاص ما عاد اتحمل وبروح بيت أهلي وطلعت من الغرفه قام زوجها ولحقها ويسحبها من شعرها ويضربها وهي تصرخ ( هذا كان ع السحور الساعه2 الفجر) قال لها لا تصرخين وقام يسكر خشمها وفمها تقول خلاااااص حسيته بيقتلني ما قدرت اتنفس وزاد في ضربها وهي تزيد في صراخها وهو لما تصرخ يتنزفز زياده ويضربها زياده الى ان طلع الدم من فمها ولو تشوفوا شفايفها وارمه وجبهتها رضه وكل جسمها رضووض قويه
المهم بعدها زوجها هدأ وجلس يبكي ويبكي ويحاول يعتذر لها وهي تقول ذيك اللحظه ما فيني حيل لشي ابدا وما تريد تسمعه
المهم راحت ونامت عند عيالها لما هو طلع يصلي الفجر
جاء وشافها عند عيالها وخلاها 
وبعد صلاة الظهر جاء لعندها ويحاول يعتذر ويبكي كثيييير تقول كأنه طفل صغير ويلومها هي انها هي اللي وصلته يسوي فيها كذا
الحين تقول في رأيك اسامحه او أخبر أهلي عنه ( للعلم علاقته بأهلها فوق الممتازه ويحبهم ويحبونه) فهي خايفه تخرب العلاقه بينهم وخاصه انهم هم كزوجين راح ينسوا بس الأهل صعبه
وهي دلوعة اهلها يعني لو عرفوا بالأمر ما راح يرجعوها له وهي ما تبي تتطلق اولا لانها تعرف ان زوجها يحبها وهو ما شاء الله كله مميزات ما عدا هالعصبيه
وثانيا عندها 5 أطفال 
رأيكم فديتكم