الطباخات الماهرات ارجو المساعده 😭

متضايقه *

روحي قسم الطبخ حتستفيدين اكثر
وعم قوقل مايقصر

حطيها مع بصل وزنجبيل طارج وحبتين هيل وعودين دارسين ومويه عاديه موب حارة ...لا تحطين طماطم والا صلصة ولا ملح عشان تستوي أسرع ..عقب ما تستوي نص سوا حطي الملح ...وخليها تكمل سواها ..إذا استوت بيبين خذي قطعة وجربي اقطعيها إن انقطعت معك يعني تمام.

طبعا اغسلي الرز ونقعيه قبل تحطين اللحمة على النار ..

حطي حبتين ليمون اسود افتحيهم شوي بسكين واكبسي الزر عليها كبسة عادية ..أو شيلي اللحمة وقلبيها مع شوي طماط وبهارت خفيفة ..

عاد وزنية الماي حسب الرز ممكن تزيدين شوي ماي على موية اللحمة لو صارت قليله عقب ما تستوي ..يكون غالبا الماي فوق الرز بحوالي 5 سم

كان تحبين الحشوة قطعي بصلة صغار واحمسيها شوي وحطي عليها شوي كمون وشوي كزبره ناشفه ونتفة ليمون أسود ..

بس واغرفي الكبسة وحطي عليها الحشوة وبالعافية .

وان حبيتها بالفرن فبعد ما تستوي حطيها في صينية ووقطعي عليها حلقات بصل وطماط وفلفل بارد ودخليها الفرن وهي مغطيه لين يتجمع شوي بخار عقب شيلي الغطاء ..وحمريها شوي من فوق لا تحترق خلك عند الفرن ..والرز اكبسيه على موية اللحم ..


وشيلي الشحوم الزايده قبل تطبخينها ..

انا زيك عمري ماطبخت لحم الا مرا وحده وماشا الله طلعت شي مرتب والاهم مرا سهل

حطي اللحمه بقدر وعليها مويا مغليه كثرررريها وحطي حبتين هيل وقرفه وفلفل اسود حب
وخليها تطبخ ساعه كاااااامله بس انتبهي لاينشف المرق وتنحرق خخخخخ

المهم لما تستوي شيلي اللحمه بصينيه فرن وحطي الرز ع المرق وملحيه ولما يستوي حطي له موية كادي


واللحمه غطيها ب
فنجال قهوه من المرق مع صبغة زعفران وموية كادي اخلطيهم وادهني فيهم اللحمه وحمريها بالفرن

وبالعااااافيه