الطفل اليتيم💔

قصه🍃
حقيقية,,, حصلت في عام كان الناس متواصلة وقريبه مع بعضها .. الطبقة الجيدة منهم عايشين في حارة في حي الجرادية وهي من الأحياء المشهورة في مدينة الرياض
ترويها
على لسان صديقتها وابنت عمها أم طارق
تقول صاحبة القصة ..
كنت ساكنة في بيت في الجرادية وكان بجنبي جيران لهم ملحق على باب الشارع ويسكن بها الملحق ولد عمره ثمان سنوات بثالث ابتدائي ويدرس في مدرسة عيالي وهو يتيم ويعيش مع عمه (الغني القاسي) الذي كان يعطيه بقايا الطعام وارداء الثياب
فتقول ام طارق مره شفته يغسل السيارات فرحمته ومسكت يده قلت له ياوليدي تغسل السيارات وأنت توك صغير
قال..
عشان اشتري لي قلام ودفاتر عمي مايعطيني شي😢
فتقول:
رحمته وقلت له اسمع ياوليدي هذا بيتي وانا كل يوم ابرسل لك غداك وعشاك وابشتري لك كل اغراض المدرسه مثل عيالي واذا احتجت اي شي ابشر به
ومع ان زوجي كان شديد ولا يبيني اتعدا البيت ولااطلع
وكنت كل شي اسويه بالخفيه
وكنت اتفقد احمد واحرص عليه واخاف عليه من عيال الحاره اللي مافيهم خير واحذره منهم
وأوصيه داااايم على الصلاة وعلى الدراسه
وعلى الصحبه الطيبة
ومرت كم سنة وانا أعده واحد من عيالي
فتقول : بعد مده قرر زوجي ننقل من هالبيت فضاق صدري لاني اببعد عن هالوليد
فتقول عطيته رقم تلفونا وقلت أي شي تحتاجه يا أحمد دق علي انا أمك
ام طارق
فنزلت دموعه وسكت من الحزن 😢 أن حنا بنبعد عنه
وهو ماله بها الدنيا غيرنا
وودعته ومشيت وقلبي بيتقطع عليه 💔💔
فمرت السنييييين وقلبي مع ذاك الوليد وكل ماذكرته قمت آخر الليل ادعيله يارب أرحم حال احمد يارب الطف به واحسن كفله واحفظه من الشر يارب
يارب 😢
وراحت الايام وكبرت وكبرو عيالي
وزوجت عيالي الثلاثه
وبناتي الثنتين
فتقول ..
و في يوم من الايام
كنت مره تعبانه واشتد بي المرض ورحت للمستشفى ونوموني لان عندي التهاب في الصدر
فجلست عندهم كم يوم
وذاك اليوم قالو بيدخل عليك ياخاله استشاري الصدريه
فقعدت وتواسيت وتغطيت
الا ويدخل علي ماشاء الله تبارك الرحمن
ذاك الدكتور الخلوق البشوش
ويسلم ويسأل عن حالتي الصحيه
كيف حالك ياخاله بشري عساك احسن
لا طيبه ان شاء الله
قلت الحمدلله
شوي ويفتح ملفي ويقراء اسمي
فلانه بنت فلان الفلاني
قالت : نعم
قال: انت فلانه
قلت نعم
قال انت ام طارق
قلت نعم
وعرفني وانا ماعرفته
تقول وتغير صوته
وقام يبكي
قال عرفتيني ياامي فاطمه ؟
قالت لا والله !!!
قال انا احمد اليتيم اللي رعيتيه واحتظنتيه برحمتك وحنانك وشفقتك ومالك ونصائحك في بيت الجرادية
كبرت وابشرك
درست وتخرجت وانا الحين دكتور استشاري
بفضل الله ثم بفضل كرمك بي وانا صغير
تقول ويكش جسمي ويرجف قلبي كاني في حلم
قلت انت احمد 😢😢
ويجي يحب راسي وهو يصيح وانا اصيح
وهو يصيح وانا اصيح وتذكرته يومه صغير
وقلت الحمد لله
ياوليدي
أن الله تكفل بك وأوصلك
اعلى المراتب
شف امس وش كنت
واليوم وش صرت
ماشاء الله تبارك الله
والله يا احمد
كنت دايم على بالي وإذا ذكرتك دمعت عيني ودعيت لك
والحمدلله ان شفتك بااحسن حال
قال لها هذا رقمي يا امي فاطمه
واي شي تبينه مني آمري وابشري بللي تبينه
وانا والدكاتره والمستشفى كلنا تحت امرك ..
🌴🌴🌴🌴🌴🌴🌴
وهذه صنايع المعروف لا ينتهي بريقها 🌴
وسيظهر نورها يشع به المكان 🌴
ولو طاااال الزمان 🌴
فسبحان الرحيم الرحمن 🌴🌴🌴
ودمتم بحفظ من الرحمن💚 💚 💚