الطلق الصناعي بسرعة

اذا كانتفيك طلوق فخذي الخروع زي ما قالت لك دكتورتك
والله يهون عليك

انسي موضوع الطلق والله راح تندمين
(((اسئل مجرب ولا تسأل طبيب)))
الطلق يكسر الظهر وتقعدين طول عمرك تعبانه من الظهر وانت عارفه الحمل مايقصر مع الظهر
نصيحه تاخذين التاسع والعاشر ولا تتعبين نفسك
وصدقيني القرفه مره ممتازه اغليها واشربيها
واكيد البنات يعرفون اشياء كثيره
ان شاء الله يفيدونك ؟؟؟؟؟؟
والله يسهلك ويتمم لك على خير

حبيبتى ..الله يسهل عليج ولادتج إنشاء الله ...
شوفى حبيبتى ..والله كلامى عن تجربه ...دخلت شهرى..و بعدين الدكتورة مع الفحص قالت إن الرحم مو فاتح وايد و وايد تضايقت ..لأنها بتسافر الأسبوع اللى ورا زيارتى لها ..و كانت تبى تولدنى بأى طريقة !!!!! المهم ..فحصت ..و وسعت بإيدها (ترى ما يعور وايد إذا أخذت نفس عميق جدا مع تدخيل اليد) المهم نصحتنى بالتالى "الإكثار من العلاقة الزوجيه" أدرى الوحده مالها خلق ولايعه جبدها ..بس الموضوع هنا ليس للمتعه بل للتوسيع و سبحان الله ماء الرجل يكون له دور ...المهم ..كنت خايفة وايد وايد من الطلق الصناعى (اخر حل).
سبحان الله قريت موضوع عن "كف مريم" و شريته و سويت المنقوع ماله و شربته ..والله العظيم فى 24 ساعه يانى طلق عجييييييب !!!!!!!!!!!!!!!!!!!!!!!!!!
بدا الساعه 7 مساء على شكل لوية بطن..رحت الحمام "عزكم الله" بعدين رحت بيت أمى "ما كنت أظن انه طلق " 7:15 بديت انتبه انه العوار متقارب ومنتظم ...رجعت البيت ..بدا يصير كل 5 دقايق ...على ما رحت المستشفى ..حوالى 9:15 كان كل دقيقه و مع الفحص كنت 6 سم و الممرضات مخترعين كنت وايد قاعده أفتح و الدكتورة ما وصلت و الطلق حامى و سريع ..والحمدلله ولدت 10:35 بفضل رب العالمين
المهم ....
روحى اشترى كف مريم من الحواى ...غسليه عدل ...فوحيه مع ماى و صفيه و حطيه فى بطل و كل ساعه شربيه (مو شرط يكون حار) شربيه على طول مو كوب باليوم ...كل ما تبين ماى شربى كف مريم ..
نصيحة : وخرى عن الخروع ...ترى يتلف البطن ..هو للتنظيف ..
و إنشاء الله تولدين بالسلامة و أنا حاضرة حبيبتى لأى إستفسار

طيب كم المقدار من الكف ومن الماء أختي أحلى الجياكر (( بصراحة أسمك عجيب ))

اخذت ثلاثة اغصان فقط ووضعتها في قدر صغير ممكن يتسع لثلاثة اكواب تقريبا وخليتها تغلي جيدا
تقريباصار لونها مثل الشاي الخفيف..ثم تركتها منقوعه في القدر يوم كامل..وبعدين اخرجت الاغصان من القدر وصفيتها .