كان فيه امراه عجوز قاعده بروحها وفجاه طلع لها إبليس....
(لقافه...يبي يتحرش) العجوز خافت وسمت بالرحمن
قالها إبليس...:إنتي يالعجوزهل تعتبرين نفسك داهيه ..؟
العجوز: نعم انا داهيه..والنساء عموما كيدهم عظيم
إبليس:انا اتحداك وبنشوفمين كيده اعظم ..المراه ولا إبليس
العجوز:خلاص انابسوي مشكله وانت حلها واذاماقدرت انا راح احلها
وراح افوز بالرهان .
إبليس
kراحت العجوز حق واحد من هالبطاليه اللي ماعندهم شغل وقالت انا بشغلك عندي فتره معينه بس ..اذاتبي فلوس لاتتدخل ولاتتكلم (وافق الشاب لانه طفش من البطاله ويبي فلوس)
راحت العجوز ومعاها الشاب لمحل قماش وقالت له انتظرني عند باب المحل
..دخلت المحل وخذت قماش غالي وراحت تكاسر تاجر القماش
العجوز:رخص يابن الحلال ..
التاجر :اذا انتي ماعندك فلوس اخذي شي رخيص
العجوز: مااقدر..لازم ولايصير شي ء ماصار
التاجر: ليش ؟؟ لههدرجه...شسالفه..؟
العجوز: شفت الشاب اللي واقف عند الباب ..هذا ولدي يحب له وحده متزوجه وهي تحبه ولما تتطلق من زوجها ولدي بيتزوجها..وهو قالي ان عارضتيني بزواجي باطردك من البيت وامرني اني اشتري قماش غالي عشان يعطيها حبيبته وإلا راح يطردني من البيت مع ان البيت اساسا بيتي ولكني غلطت وكتبته باسمه وبكت العجوز
التاجر:خلاص هونيها وتهون والله كسرتي خاطري .. خلاص انابعطيك القماش ببلاش .. وعسى الله يؤجرني العجوز طلعت مستانسه وقالت حق الشاب روح البيت بعدها راحت العجوز لبيت زوجه تاجر القماش وطقت الباب وطلعت الزوجه
العجوز:آه يابنتي اناتعبت بالطريق ومااقدر اكمل ممكن اقعد عندك ارتاح خمس دقايق ..رحبت الزوجه ودخلتها واكرمتها وجابتلها الشاهي
العجوز: مشكوووره ماتقصرين ان شاء الله اردها لك (تعمدت تنسى القماش)
وطلعت
الزوجه:حرام نسيت قطعه القماش.اكيد بترجعلها بعد شوي بروح احطها في الدولاب ..التاجر رد لبيته وتغدى ونام شوي قام العصر وفتح الدولاب بيغير ملابسه عشان يروح محله..وفجآه رآى قطعه القماش وعرف ان المرآه اللي يبيها ولد العجوز هي زوجته وتخونه قام وطقها وطردها من البيت في الشارع بالهدوم اللي عليها.
العجوز:وش فيك يابنيتي ليش تبكين .؟
الزوجه: زوجي طردني..وما عطاني فرصه اتكلم .
العجوز: خلاص انا بوديك بيتي وانا بروح احل المشكله راحت العجوز لبيتها ودخلت الزوجه في غرفه بينما الشاب كان في غرفه ثانيه وامرته انه مايطلع منها
راحت العجوز للشرطه تبكي وتقول :كنت قاعده في بيتي وفجآه دخل رجل ومعه مراه وقعدوا في بيتي حاولت اطلعهم ماقدرت
(احتلوابيتي)
راحت الشرطه ومسكتهم وقطوهم بالسجن .
العجوز:ها ها وش رايك ياابليس ؟؟ دورك اللحين حل المشكله
ابليس: لا لا مااقدر احلها السالفه تشربكت مرررره
العجوز:انا رح احلها وكان شي ماصار
راحت العجوزتزور الزوجه بالسجن وقالت لها: انتي ساعدتيني مره وانااللحين بساعدك..يلا البسي عباتي وغطي نفسك واطلعي من السجن كانك انا وانا باقعد مكانك
الزوجه:مشكووره..ولكن انتي ؟؟
العجوز: مالك شغل مثل مادخلتك بطلعك بنفسي تمت عمليه الهروب بنجاح الوالي امر الحراس يحضرون المسجونين عشان يحكم عليهم ..حضرت العجوز والشاب وقال لهم الوالي :ليش قابضين عليكم وش مسوين ؟
ردت العجوز :احنا ماسوينا شي كنا قاعدين بيبيتنا انا وولدي وإلا الشرطه طابه علينا .وغضب الوالي وهزا الشرطه وماعطاهم فرصه يتكلمون وطلعت العجوز مستانسه وعطت الشاب فلوس وانهت خدمته عندها.
راحت العجوزلتاجر القماش وقالت له انها تعبت بالطريق وان زوجته اصيله واكرمتها وهي من كثر التعب نسيت القماش عندها وان زوجته بريئه وقالت خذ القماش لان ولدي سافر وزوجته الجديده .
رجع التاجر زوجته واستسمح منها.
العجوز: إش رايك ياابليس انافككت السالفه سهله
إبليس:انتي ربحتي ...ان كيدهن عظيم
إنحاش وهو خايف \\\\\\منقوووول|||||
اعجبتني ونقلتتهاا لكم بالله اش رايكم ببليس:22: هههههههه