السلام عليكم ورحمة الله
مرحبا فيكم اتمنى تكونو بخير وصحة وسلام
... واتمنى ان الكل يستفيد من موضوعي ..
وراح يكون كلامي عن بشرة الوجه والرقبة بس
لازم تعرفين اولا ان العناية الزايده عن حدها نفس الاهمال ... ودائما خليكي بين وبين ولا راح تخسرين ان شاء الله اعتنى ببشرتك عناية تناسب نوعها وعمرك ولا تزيدين عن الحد المعقول ولايصير وجهك حقل تجارب
مابي اطول عليكم
اكيد كلنا في اعمار متفاوته وكل وحده حسب عمرها تسوي اللي يناسبها
مثلا
البنوته اللي في الثانوي مو زي اللي عمرها ثلاثين
اولا .. نبداْ بالبنوتات من عمر " 14 الى 22 "
اذا كنتى في هالعمر لازم تعرفين شي مهم ..
بشرتك بيبي فلا تلعبين فيها
كفاااااااااااااااااااااااااااايه جداَ ثلاث اشياء مهمة
1) النظافة
فشووفي حسب بشرتك اللي يناسبك صابون يكون طبي وكويس مثل صابون الغار ممتتتتتتتاز او غسول من نيتروجينا حلووووو وانا عن نفسي استخدم غسول سيتافيل روووعه خالي من الصابون والعطور وحتى مكتوب عليه انك ممكن ماتغسلين بعد استخدامه بالمويه اذا بشرتك تتحسس من الماء وسعره 39 ريال
2) الترطيب .. ولترطيب شوفي حسب بشرتك كريم يناسبك والسوق ملياااااان ماركات طبية وانا ارشحلك كانيبو ماركه روووعه واسعارها معقوله جداَ وبمستوى الماركات اللي سعرها نااااار
3) اقنعه طبيعيه سويها مرتين بالاسبوع كفايه
ولا تحطي القناع بشكل عشوائي لازم تعرفين اللي يناسبك ويصلح لك حسب بشرتك واذا مدة القناع ربع ساعه لاتخلينه ساعه واذا مدته لحد مايجف لا تنامي فيه ...
وعندك اقنعه طبيعيه خفيفه ونتائجها مع الاستمرار روعه خاصه وانتى محافظه على نظتفة بشرتك وترطيبها بستمرار
ومن هالاقنعه
الزبادي لحاله وممكن تضيفي له عسل
حليب بودره + شوي ليمون + ماء ورد + شوي خل تفاح
ربع خياره مطحونه + ملعقتين حليب بودر
طحينه لحالها وممكن تضيفي لها شوي سكر
بياض البض + العسل
حليب سائل معلب + قطرات من الليمون روووعه
حبة البركة مطحونة + حليب بودر + ماء ورد او ماء عادي
وجربي هالافكار حلوه مره
كميه من ماء الورد داخل زجاجة بخاخ بعد كل وضوء بخي على وجهك وخليه يجف بدون مسح
ليمونه مع قشرها اقطعيها بالنصف وكل نصف اقطعيه اربع اقسام احفضيها بعلبة بالفريزر وامسحي قطعة الليمونه على وجهك حلووووه للمسام الواسعه
جربي دبس التمر كولي ملعقه :rolleyes: طعمه يعني وحطي منه على وجهك وشفايفك مفيد جداَ للدم ويغذي ويرطب بشرتك
واذا فيه عندك مشاكل في بشرتك
وغالبا مشاكل البشره في هالعمر " حب الشباب " لاتستخدمي كريمات بدون وصفات راجعي طبيبه واختصري على نفسك التعب لان اللي نفع مع اختك او صديقتك مو اكيد ينفع معاك
وذا عنك سواد تحت اللعين
لازم تنامي كويس وتشربين مويا كثثثثثثثثثثير لان سبب الهالات يبدأ من الداخل
وشي مهمم بعد انك تدلكين منطقة تحت العين لان من اسباب السواد خمول الدورة الدمويه في منطقة اسفل العين
حركي اصبعك السبابة من زاوية العين الداخلية لبرا بحركه دائريه خفيفه وبطيئة كرري الحركه بكل وقت مفيده جدااااا
عليك بالاقنهة الطبيعية لان مشكلتك سواد بس مافي تجاعيد وخطوط
ولا فيه مثل البطاطس للهالات وعن تجربه
اسلقي حبة بطاطس صغيره واطحنيها بالطحانة اللي نطحن فيها القهوة واضيفي لها شوي حليب لحد مايصير الخليط متجانس وحطيه على الهالات يوميا لمدة اسبوعين وراح تشوفين الفرق وممكن تحتفضين بباقي الخليط ثلاث ايام بالثلاجه
نصيحه اخيره ... اكيد كل بنت بهالعمر تمووووووت بالمكياج لكن طيعيني خففي قد ماتقدرين بشرتك حلوه مو محتاجه تغطية اساس وبودرات وخرابيط خليها في المناسبات وبس وفي الايام العاديه والكليه كفايه الواقي اساس لك مع قلوس وشدو
انا يوم كنت بهالعمر ماكنت احب المكياج ابد انهبلت يوم كبرت وتزوجت حتى بالكلية ماكنت احط غير ماسكرا لحد ماتصير رموشي مظله مو رموش ومحدد بشفتي للي فوق :icon32: بس مدري ليه كنت ماكمل الشفه اللي تحت هههههههههه اما كحل واساس وشدو اففففففففف احس اني مخنوقه
نجي هالحين للي عمارهم من ( 23 الى 29 )
طبعا اهم شي
1)النظافه بغسول طبي ونوعية ممتازه ومثل ماقلت سيتافيل رووعه
2)كريم الليل مهم مهم مهم .. ولو تعرفين اهميته ماراح تنسينه ابد .. و خاصه اذا توفقتي بنوع حلو راح تكسبين بشرتك كريم الليل يجدد بشرتك وانتى ناااااااااااااااااااااااااااااااااايمه و تأثيره يبدأمن تحت مو في الطبقة الخارجية للبشرة فمتحسين بنتيجه الا بعد علبة او يمكن علبتين فلازم استتتتمرار مو نشترى كريم ماجاب نتيجه بعد اسبوع نرميه ونشوف غيره لا اصبري ولا تستعجليييييييييييين
3)كريم النهار ايضا مهم لانه يكمل عمل كريم الليل فبشرتك محميه ليل نهار
4)اقنعه طبيعيه تناسب بشرتك
ممكن تستفيدي من اللي كتبتهم فوق
وراح اضيف هنا بعض الاقنعه تناسب البشرة في هالعمر
قناع الشوفان مع الحليب اخلطيه وخليه على جنب اطول مده ممكنه من 3_4 ساعات
بعدين مدي القناع من اسفل الرقبه الى اعلى الجبين بعدين سوي مساج دقيقتين من اتحت لفوق والعكس وخليه على بشرتك لحد مايصير شبه جاااف لا تتركينه يجف مره
وباطراف اصابعك وبحركات دائريه ازيلي القناع واغسلي وجهك بمويه دافيه ثم مويه بارده
اغسلي كميه من الرز واتركيها ساعه تنقع بعدين اطحنيه راح يصير بودره اضيفيله " ملعقتين عسل او زبادي او كريم مرطب او زيت لوز الحلو "
حطي القناع لمدة ربع ساعه وقبل لا تغسلين سوي مساج خمس دقايق وركزي على المناطق الغامقه
خوذي ملعقتين سدر واخلطيهم مع ملعقتين قشطه وحطيهم على وجهك ربع ساعه وسوي مساج خفيف خمس دقايق قبل ماتغسلين
واذا كان عندك مشاكل في بشرتك
مثل نمش او كلف خفيف في اطراف وجهك واعلى الخد لا تتضااااااااايقين يروح ويختفي للابد مادامه خفيف ومن اثار الشمس او الحمل اختاري كريم يسوي تقشير خفيف لطبقة البشره الخارجيه ويفضل انك ماتتعرضين للشمس او أي حراره فرن او دفايه ممنوع .. واذا حصلتي على النتيجه اللي تبغين لاتسمحين لمشكلتك انها تتكرر لازم تستخدمين واقي وتحافضين على ترطيب بشرتك
اما اذا عندك كلف صاير طبقه وقديم اتوقع لازم تروحين للطبيبه تشوف وش لازم تسوين
واذا عندك هالات وخطوط فيه كريم من لانكوم حلو
بس فيه شي مهم اذا حبيتي تشترين كريم للهالات حطي من الكريم على يدك وافركيه شوي اذا حسيتي انو زيتي وماتمتصه البشره بسرعه لاتاخذينه
افضل شي اللي لما تحطينه على البشره بسرعه يجف ويختفي ولا يصيرله اثر
لان الاول يتسرب لداخل العين وتحسين ان عيونك تحرقك وتنزل دموع وراح يأثر على النظر لاتقولين كريم وخاص للعين مابيسوي شي لاااا صدقيني يضر و اهم شي عيونا مو نخفف السواد تحت العين ونعميها
والكريم اللي من LANCOME اسمه
Primordiale Optimum Yeux
سعره 190 ريال متوفر بكل مكان
وهذي صورته يخفف السواد ويعطي منطقة اسفل العين اشراق ويفيد للخطوط والتجاعيد الخفيفه بس
صحيح علبته صغيره لكن اقتصادي يضل اكثر من شهرين
واذا مشكلتك عدم توحد لون البشره يعني عندك مناطق غامقه في جانب الوجه واسفل الخدين ماهي كلف ولا اثار حبوب فيه كريم من كانيبو مرررررره حلو يخلى الوجه يهبل لكن فيه عيب انك اول ماتتركينه اسبوع بالكثير وترجعين زي اول لكن طول فترة استخدامه وجهك منور ويضل معك شهرين ونص
اسمه
Kanebo Sensai Quick Radiance
وسعره 240 ريال
وهذي صورته
آخيرا نشوف اللي عمرها ( 30 وفوووق )
اولا شي لاتكون التجاعيد هاجسك الوحيد وانك خلاص بتصيرين مو حلوه لاااااا والدليل نشوف حريم اعمارهم فوق الاربعين احلا واصغر من بناتهم خليك وسط في اكلك وشربك وعنايتك وحتى نفسيتك وراح تضلين حلوه على طول
العمر مايقلل الجمال بدليل شوفي الممثلات الوحده عجوز صاكه السبعين واكثر وش حلاته
المهم
اهتمي باشياء رئيسيه ولا تبالغين ولا تكثرين
اهم شي
1) النظافه
2) الترطيب
3) كريم لمنطقة العين
بعد الثلاثين انتي محتاجه كريم لمنطقة العين للسواد للخطوط للتجاعيد للانتفاخ لعلامات الكلام والابتسامة حتى لو مابدت التجاعيد بالضهور حلو من هالحين تستخدمينه الوقاية خير من العلاج
4) كريم للوقاية من التجاعيد للوجه يناسب عمرك واختاريه مو بس يحارب التجاعيد خليه يكون مغذي ومجدد للبشره
اذا عندك مشاكل ببشرتك
نفس الكلام اللي كتبته فوق
لكن اكثر ما يزعج في هالعمر هو بداية ضهور التجاعيد في الجبهه و حول الفم
يعني برنامجك راح يكون
تنظيف البشره ثلاث مرات او على الاقل عند النوم وفي الصباح
وضع كريم العين عند النوم فقط
وكريم مضاد للتجاعيد عند النوم فقط ويغنيك عن كريم الليل اذا كان مع الحماية مغذي ومجدد للبشره
وفي النهار ترطيب البشره وخاصه بعد كل وضوء
احرصي
من وقت للثاني سوي ماسك طبيعي
اذا طلعتي من البيت لازم واقي
خففي من المكياج قد ماتقدرين واغتنمى كل فرصه تكونين فيها بدون مكياج
صحيح البودره احيانا تخرب المكياج بس لاغنى عنها بعد كريم الاساس ... اساس بدون بودره دماااااار للبشره لان التراب والشوائب اللي في الجو بتلصق على بشرتك وبتدخل داخل المسام وفي النهاية بثور وروس سودا وبشره تعبانه
قبل كريم الاساس استخدمي البيس للوجه
انا استخدمه مو لانه يحمي بشرتي من تأثير كريم الاساس لااااااا لانه يخلي اساسي حلوو من بديت استخدم البيس وانا استانس اذا جيت احط ميك اب زمان كان يبقع وحووووووووووسه ومو حلو بس الحمد لله ا صار يضبط معاي
إلى اللقاء :26:
.................................................................................................
اتمنى لكم السعاده الدائمه في الدارين .. والجمال الابدي من الداخل والخارج
َ و اتمنى موضوعي نال اعجابكم :pinklove2
ويارب استفدتو ...
واي وحده تبغى تنقل موضوعي لاي مكان بحل وظل ومو لازم تذكر اسمي كفايه بس انها تدعيلي يحقق الله اللي في بالي
واي سؤال انا حااااااااظره .. :)
• اذا شفت تفاعلكم راح انزل الجزء الثاني والخاص ببشرة الجسم لكل عمر :wink2:
• واذا مافي تفاعل اوكي انا من هالحين زعلانه :06:
مع السلامه ........
:icon35: