العين حق ولا حول ولا قوة الا بالله العلي العظيم

من العايدين الفايزين وكل عام وانتم بخير


حصنوا انفسكم وعيالكم في كل وقت ولا فرحة العيد تنسيكم ذكر الله والتحصين مثل ماسار معايا لاحول

ولا قوة الا بالله والله اني اكتب وميتة من الرجفة من الي سار والغلط مني والله يسامحني مع فرحة العيد ودوشة العيد

نسيت احصن نفسي واحصن ولدي والحمد لله من قبل ومن بعد

صباح العيد صليت الفجر والحمد لله وماقدر اروح المسجد اصلي صلاة العيد عشان عندي توام ماشاء الله تبارك الرحمان

ومن العجلة ماحصنت نفسي وانا على السجادة زي كل مرة وفرحانة بالعيد وانا وسط اهلي لان بعيد عندهم وقمت من العجلة والفرحة مع الشغالة اروش توامي وارضعهم ولبستهم ولبست ولدي الثوب الحجازي المطرز والدقلة المطرزة وعمة اهل مكة وكان شكلو مرة ماشاء الله تبارك الله قمة الجمال والتميز وسط اطفال العيلة حتى طلع احلى من اختوا التوام وطبعا الكل شافوا وعيد علية من ضيوف اهلي وضيف اهل زوجي المهم اليوم الليل وانا والشغالة بنسويلوا حمام بخار على وصية الدكتورة عشان مزكم تقول البخار افضل من الادوية يفك الزكمة ومو اول مرة اسويلوا البخار يمكن اكثر من سبع مرات قبل كذا وانا اسويلوا حمام البخار المهم وانا اسويلوا وانا وشغالتي الا ولدي يصيح في البداية افكر من كتمة بخار الموية كالعادة لاكن لما طالعت في وجهوا الا وجهوا منحرق وكمان تكون زي اكياس الموية زي فقاقيع الموية مرة انتهبلت والشغالة انهارت من المنظر وبالصدفة ابوة جاي على بيت اهلي يشوف ولدوا لان بكريتوا ويموووووووووووت علية اكثر من اختوا التوام وانا اتلخبط وموعارفة ايش السوي الي قدرت علية اسوية اني اغسل وجوهوا بموية باردة وشغالتي جلست على الارض من الفجعة تقول مدام ماعاد اقدر اقوم او اتحرك وامي وابويا انفجعوا قالوا حرقتي وجهة الولد كبيتي موية حارة علية وهوا بس البخار سوا كذا كيف الموية والله يبنات مو اول مرة اسويلوا حمام البخار دايم لاكن ايش اقول العين حق وانا الغلطانة اني ماحصنتوا ولا حصنت نفسي والعياذ بالله جاء ابوة عند الباب وانا وديت الولد عند امي في الغرفة وجبتلوا اختوا التوام واشغلوا بيها وهوا كانوا حاسس يقول وين الولد جبية اقلوا تعبان يبغى ينام خليها بعدين وهوا مصر اتكلت على الله وجبتلوا ولدي اتهبل لما شاف وجهة الولد قال ايش سوا فية كذا؟؟ قلنت والله حمام البخار الي دايم اسوية لية قال مستحيل انتي دايم تسويلوا حمام البخار ؟؟؟ قالي هذا سبب انك تميزي وتلبسة ملابس اكبر من سنوا وتطلعية كل الخلق يشوفوة <طيب الحل انا خلفت عشان ادس واخبي عيالي عن الناس فرحانة بيهم وطايرة بيهم وانا والله نادر لما اخرجهم> قال لاعاد تلبسية لبس ملفت للنظر وتخرجية للناس والله ان سويتيها ماتلومين الا نفسك؟؟ قلتلوا ذي غلطتي نسيت اذكر الله على عيالي كالعادة مع فرحة العيد والعجلة ومن جد يبنات اذكر الله يذكرك والي الان انا تعبانة ومفجوعة ابوة جبلوا مرهم من الصيدلية ودهنت وجهوا واديتوا ادول والحمد لله الان نايم لاكن حمووووووووووووووت من القلق والفجر حودية الطوارئ اذا ماتحسنت حالتوا لان بصراحة اكرة المستشفيات لاكن مرغم اخاك لا بطل اذا ماتحسن الحرق بودية وادعولي

ونصيحة لاتنسون ذكر الله على انفسكم وعيالكم لا الفرحة ولا العجلة ولا شي يشغلكم عن ذكر الله

ويامسلمين اذكرو الله لما تشوفوا شي حلو اذكروا الله وبس ماحيكلف على السنتكم شي ولاحول ولا قوة الا بالله العلي العظيم
ودعوا لتوامي وولدي بذات باشفاء وادعولي ان الله يحفظنا لبعض وماابغى الا منكم العضة والعبرة والدعاء والله ان قلبي انخلع من مكانوا رب ضرة نافعة

و اولا واخيرا العين حق