الغرق فى بحر العلاقات ... مفيد للمتزوجات والمخطوبات

الأسرة والمجتمع

"الغرق فى بحر العلاقات":


من أخطر الحاجات اللى ممكن تعملها إنك تدفن "نفسك" جوه إنسان تانى..أيا كان هو مين ...



تدفن نفسك جواه يعنى:



متلاقيش السعاده غير فى وجوده



متعرفش تضحك غير معاه



متقدرش تستمتع بحياتك من غيره



لو زعل ممكن حياتك كلها تقف



لو حب حاجه تحبها عشانه



ولو كره حاجه تكرها عشانه حتى لو كنت بتحبها ..



لو كلمك ورضى عنك تبقى الدنيا ربيع



ولو غاب عنك كام يوم تتقلب سواد وغم



وشويه شويه تلاقى نفسك بتتكلم بنفس طريقته..



تفكر كمان نفس تفكيره ..



تحب بطريقته وتحزن بطريقته وتزعل بطريقته وتكره بطريقته لدرجة انكوا بعد شويه ممكن تبقوا شبه بعض..



لحد ما تفوق ع الصدمه وانت باصص فى المرايه تدور على روحك متلاقيهاش ..



الصدمه دى فى الغالب مش بتحس بيها بين يوم وليله كده..



لااا ده انت بتفضل تتوغل وتتوغل معاه ..لحد ما تحس انكوا واحد وانكوا مش ممكن تفترقوا مهما كان



وانه بقى الهوا اللى بتتنفسه ..لحد ما هوووب الهوا يتقطع..فجأة.. و بدون مقدمات..



هى دى بقى مرحلة الصدمة..الهوا اول ما يتقطع تبدأ تحس بالاختناق وانك مش قادر تتنفس



تحاول تتواصل معاه عشان تعيش تلاقيه إما



مشغول او انسحب من حياتك ...ببساطة كده ؟



أيون ببساطة كده..وده ﻷنه ببساطة برضك إما مكانش معتبرك الهوا بتاعه..أو زهق وشافله هوا تانى ..على هواه .



خلى بالك..الغوص فى "بحر العلاقات "مخيف خاصة لو حضرتك نسيت" العوامة" ..



والعوامة بتاعتك هى "ذاتك" اللى بتوجهك وعشان تقدر



العوامة توجهك لازم تكون بتعرف تستخدمها صح وإلا هتوديك لطريق غلط أو هتغرقك ..



ذاتك البشرية عاوزة منك شغل ومجهود مش قليل..



لازم تفهم أفكارها..عشان تقدر تسيطر على مشاعرها..



تعلمها إن الحب فى بدايته فكره إنت اللى بإيدك تكبرها وتديها حجم أكبر منها



أو إنك تغذيها بطريقة صحية تقدر بعدها تعيش وتتعايش مع أى



موقف..



تغذيها بالثقة بالنفس..



تقولها انها جميله ومحبوبه ومقبوله من ناس كتير مش من شخص واحد ..



تعلمها "ذكاء المسافات "..وانها مهما قربت من أى حد لازم تحافظ على نفسها من انها تطمس وإلا هتبقى مسخ...



تقولها انتى قوية..بيه أو من غيره..



حافظ على ذاتك البشريه يا صاحبى ..



حب بالمعقول ..



إتعلم إمتى تقرب ..وازاى تقرب .



.إمتى تطلع شحنة الحب اللى عندك..وازاى تعبر عنها ..



إحمى "ذاتك" م الغرق..



حافظ على "ذاتك" من الانقراض.



تصبحوا على حب واعى



وذكاء مسافات ليه ألف داعى




منقووووووووووول
10
1K

يلزم عليك تسجيل الدخول أولًا لكتابة تعليق.

تسجيل دخول

roroالشامية
roroالشامية
جميل مشكورة وجزيت خير
شيهانه 11
شيهانه 11
كلااام رائع ...
عمدة حارتها
عمدة حارتها
روعه
Nadine Abdulaziz
Nadine Abdulaziz
موضوع جميل
شكرًا عالنقل
يعطيكِ العافية يا أختي
عين جارية
عين جارية
جميل جدًا