الغيره بين الصديقآأت ، !!

عليكم السلام..

الله يخليكم لبعض اولا

ثانيا الغيرة شي طبيعي بين البشر في جميع الاعمال والاشكال ماهو مختص بالحب فقط

الشي اللي م انصحك فيه وخذيها مني التعلق بزيادة

هو مو زي ماقلتي لاشذوذ ولا هالخرابيط وعرش الرحمن تعالى الله اهتز لموت سعد بن معاذ رضي الله عنه

وغير هذا في الاحاديث الصحيحة ماذكر

وهذا نص لفتوى

نص الفتوى: السلام عليكم ورحمة الله وبركاته... هل هناك معصية يهتز لها عرش الرحمن كاللواط مثلاً وهل ما ورد فيه صحيح؟

الجواب: وعليكم السلام ورحمة الله وبركاته، وبعد:
لم يرد دليل من الكتاب والسنة على صحة اهتزاز عرش الرحمن بسبب اللواط أو غيرها من الذنوب، بل الثابت اهتزازه لموت سعد بن معاذ رضي الله عنه كما ورد ذلك في سنن النسائي أن النبي صلى الله عليه وسلم قال عند موت سعد بن معاذ (هذا الذي تحرك له عرش الرحمن يعني سعد بن معاذ).
والله تعالى أعلم، وصلى الله وسلم على نبينا محمد.



تعلقك فقط احب اقولك خففي منه لشي واحد فقط نفسيتك راح تتعب وراح يضعفك هالشي

ولو صدر منها اي شي بعد وقت راح تنهارين ووو

الافضل انك تسطحين علاقاتك مع الناس او تضعين لها حدود لمصلحتك

والله يوفقك لما فيه خير وصلاح

نفس كلام الاخت ف44فو انا نفسك بالضبط حبيت صديقه واخلصت له نفس تصرفاتك ولا كان تفكيري بشذوذ ولا خرابيط بس دخلت بينا وحده وقالت له انكم شاذات وجت الصديقه وقالت لا اعرفك ولا تعرفيني وانا انصدمت من حركته وتعبت نفسياً من القهر كيف تصدق وحده بكلامه واخر شي مسحت رقمه ونسيته وريحت راسي يوم كملت 9 شهور وترسل تعتذر وسحبت عليها لاني مش لعبه يوم تصادق ويوم تزاعل وحنا بنات كبار مش بزران وارتحت ....... معليش تحمست وقلت سالفتي كله 
بس نصيحه لا تعلقين في احد الناس تغيرو ولا يقدرون الصداقه 

ياحبيبتي ماابي افتي لك وش حكم الغيره وهالشغلات لاني ماادري ولكن حطي ببالك اذا غرتي عليها وضايقتيها بيجي يوم وبتتركك احيانا الغيره الزايده تكون مرض وتخلي الناس يبتعدون عنك وهالشي اكيد انتي ماتبينه الافضل انك تقدمي لها الافضل عشان تحبك وتحترمك وتصيري صاحبتها طول العمر مو انك تغارين عليها بعدين تطفش منك وتتركك انتي بيدك تخلين بصمه بحياتها ماتنساها ابد ودايم تذكرك بالخير مو بكره لاجا طاريك تقعد تقول انانيه وماتبي احد وغيورة وهالكلام انتي قلبيها بمخك وبتعرفين انه كلامي صح والله يخليكم لبعض يارب

انا مارح اناقشك عن صديقتك

لكن

اختي الغالية انتم بنات رائعات في دار تحفيظ القران الكريم يعني ان شاء الله انكم اهل الله وخاصته ومعرضين لحرب شديدة من عدوكم الشيطان حتى يزيغ قلوبكم عن ذكر الله وحبه وتلاوة كتابه فيدخل لكم من مداخل متعددة

اختي انتبهي على قلبك من الشرك الخفي حين يكون الحب هاجسا يدخل إلى تفاصيل المشاعر ويحرك الرضى والكره والزعل والغيرة والعطاء والمنع فهنا نخاف ونحرص على قلوبنا وننظر ببصيرة إلى ما وراء المشاعر ونضع الله عز وجل وكتابه فوق كل شيء ..

تذكري المحبة في الله هي سبب ظل عرش الرحمن فهل هذا الحب في الله هل تنصحيها لله وتعطيها لله وتزعلي منها اذا عصت الله او اغضبت الله هل تكرهي لله وتحبي لله ....

انتبهي على علاقتك بالله عز وجل اكثر واهم واجل واغلى من ان يكدرها شيء

الله يألف بين قلوبكم على طاعته ويرزقكم الثبات على ما يحبه ويرضاه
استودعتكم الله

علقي قلبك لله وحده لانه البشر مايدوموا
لازم. مع الايام تتفرقوا حطي ببالك دا الشي