بسم الله الرحمن الرحيم
أخباركم بنات أن شاءالله تماااااااام:39:
اليوم جايبه لكم توووووووت
ااااااااه ذكرتونا برمضان في سوريا يشربون توت طازج مو هنا يقصون علينا بــــ الفيمتووو
الطريقه هي :::
**تجيبين توت وتنظفيه وتغسلينه وبعدين تشيلين الجزء الأخضر منه.
**تحطين في الجدر (2 كاس سكر)أو اقل على حسب الرغبه .
**وتحطين ماءيكون حسب الطلب::
1- أن تبغين التوت مربى ثقيل تحطين مقدار فنجان قهوه ماء وان تبغيه خفيف اشوي تحطين فنجانيين قهوه ماء
2- أن تبغين شراب التوت تحطين كاس ماء
** وبعدين تحطين معاهم قشر ليمونه فقط الجز ء الأصفر لأن الأبيض مر + عصير نصف ليمونه .
**تحطيهم على النار حتى يبدأ يغلي الماء أتحطي التوت وتتركيهم على نار هادئه وتحركيهم (وشمي الريحه تجنن) حتى يبدأ يطرى التوت (نص ساعه)يكفي
هنا ::
أن تبغي مربى غليظ خلاص طفي النار
وأن تبغي مربى خفيف اطحني المربى اشوي
وأن تبغى شراب اطحنيه كثير حتى يصير شراااب
وأتركيه يبرد وأحفظيه في برطمانات
وغطيها زين وحطيها في الثلاجه
وأن شاء الله أتكونوا فهمتوا علي
والي تبغى أتسوي شراب التوت تحط ملعقة الى ملعقتين من التوت مع ماء في كاس وتحرك ولا تنسى الثلج:23:
وتقدري تستخدميه للشيز كيك بالتزيين وللكيك والحلوياات
وباالعاااافيه عليكم