السلام عليكم ورحمة الله وبركـآته,
مساكم الله بالسعادة والرضـى والعافيه
اسعـد الله مساكم وصباحكم بكـل خيـر يارب
لبلاك او البيبي او بلاك بيري تختلف المسميات له بس ما نختلف ان الرقبة بدأت تشتكي نفس الالم من كثر
الوقت اللي ما نقدر نحرك فيه ساكن والبلاك بيدينا
راح ادخل معاكم عالم البلاك >ذاك العالم الكبير و الشيق واللي نضيع وقتنا فيه
طبعآ حلو وشيق بـعيون البعض وانما البعض الآخـر يعتبر البلاك شيء تافة واتفه من اننا نهتم فيه او نكتب عنه
لكن اذا لقينا الدنيا مقلوبة عليه والناس كلها مشغولة بالمسجات تقراها وماغير ضحك وكركـرة
فـ هو شي على الاقل يستحق ان نضع الضوء عليه و لو لـبضع دقايق
وهو وسيلة تواصل مثلها مثل غيرها ولكن الاختلاف هو بأختلافنا نحن وبأختلاف اسعمالاتنا له,,
اذكر الدكتور إبراهيم الفقي الله يسعدة يقول ( إزا كنتوا عاوزيين تعرفوا مدى اهمية اي حاجة بحياتكوا
لازم تكتبوا سلبياتها وإجابياتها ) >>كتبتها بـ طريقتة وبلهجته المصريه
فعلا لازم نعرف وش سلبيات هالجهاز اللي ما يفارقنا الا وقت النوم>>طبعآ هذا حال الاغلبيه مو الكل
ونعرف إجابياته عشان نكون واقعيين اكثر..
البلاك فيه تذكير لـلاشياء مهمة بحياتنا وفيه وناسة وسعة صـدر ونكت وفيه ايضآ تواصل حلو
بين الاصدقاء والاهل احيـانآ اذا كان بعضهم بمنطقة ثانيه..>>هذا معاناته انه فيه خير الحمممدالله
تيب نجي ع السلبيات واعذروني ركزت على السلبيات اكثر والسبب تعرفونه بنهاية الموضوع..
(انتبهي تكوني اســيرة البلاك بيري)
اوووووووول حاجة >>تلاقين اللي توه مشتري بلاك ما يسولف مع احد.ومشغووول الله لا يشغلنا الا بطاعته
الشخص ذا موجود معك ولكنه عايش بعالم المسجات
احيـآنأ تسولفين معه وفجأة وبدون سابق انذار تلاحضين انه رجع يقرأ ويعلق على مسجاته
فأنتهبي ان تخسري جمعة الاهل لـتصبحي اسيرة البلاك..
(اما بالسوق فـ حـدث ولا حـرج )
تلاقينهم في أكثر من مرة "مطأطئين" رؤوسهم إلى حد يشعر من أمامهم أنهم ليسوا ذا أهمية،ياسااااتررررر
وربما يصطدمون بهم أثناء السير.. أما أيديهم فهي تتحرك بسرعة البرق..
وتلامس أزرة المفاتيح، وكأنها تعزف على "بيانو"، وترسل وتتلقى كل ما هو جديد.>>طلعـــــت الثقافـه
.ثم تعلو الابتسامات، وملامح الدهشة والاستغراب،
وصار البلاك وسلية لـ نقل الشائعات او الاخبار المفجعة واحيانآ يتم نشر الكثير من الاذكار والاحاديث
اللي ما عرفت عنه صلاوات ربي وسلامه عليه
( لازم تنتبهين اكثر لما يوصلك مسج فيه حديث نبوي ومو على طول ترسلينه لان
راح تشهد عليك أيدك في يوم لا ظل الا ظـلة)
احنا لما نتعامل مع البلاك معاناته اننا نتعامل مع وسيلة يقدر الشخص ان ينشر اي شي بوقت قصير جدآ
(النبي عليه الصلاة والسلام لما ذكر آخر الزمان قال : يكذب الرجل الكذبة تبلغ الآفاق)
يعني يكذب الكذبة في الرياض وما يمر دقيقة او دقيقتين الا وقرأها اللي في استراليا ولا في يوزلندا
والنقطة هذي يبي له وقفه مع النفس ياخواتي ( نـرجع ونقول مو اي شي ترسلينه سوأ من صور
او روابط او احاديث واذكار )
الا ما يرجو من الله ثوابآ
(ياترى ممكن تكوني من الناس اللي مغاليق للخير ومفاتيح لـلشر بسبب البلاك؟!)
مثل ما انتوا عارفين ان بعض الناس مفاتيح للخير ومغاليق للشر
والبعض عكس هالكلام كله
الشخص اللي ينشر صور جنسيه ,,الشخص الي ينشر قصص عن نفسه
يعني مثلا قصص له مع بنات او صـور له مخـلة جدآ يبدأ ينشر هالقصص بين الناس
فـهذا والعياذ بالله شخص مغلاقآ للخير ومفتاحآ للشـر
النبي عليه الصلاة والسلام يقول ( كـل امتي معافا الا المجاهرون ) قيل من المجاهرون يا رسول الله
قال الذي يفعل الذنب يبيت يسترة ربه ثم يصبح يكشف ستر الله عليه )
يابنات اذا الواحد بمجرد انه يسولف عن ذنبه هذا يكشف ستر الله عليه وبالتالي يأثم
فما بالك باللي ما يكتفي بالكلام وتوصل معه السالفه انه ينشر صور ومقاطع فيديو ويألف قصص وقصص
عشان يكون حديث الناس ..
اخــواتي الغاليات انا يمكن سلطت الـضوء على سلبيات البلاك اكثر من إجابياته وهذا الشي ما يعني اني
انفي إجابياته كليآ بــس لانــي ابي الحـــذر يصـاحبكن اثنــاء إستعمالكـن له ومن كـل النـواحي لابد من الحــذر
لازم نحذر قـبل ما نفكر نرسل رابط معـين ولازم نحــذر قبل ما نــحط صــورة يلحقنـا اثمـها ولازم نــحذر
قبل ما تــشهد علينا آياديـنا على كــلام نكتــبه او نــكون سبب فــي نــشرة ويكـون فيـة غلــط كبيـر
إمــا اخلاقيآ او دينيـآ او عقـائديآ...
البلاك جهاز جميل ولكن اذا حطينا له حـد معين من وقتنا,,
مانبي نخسر علاقتنا بسببة علاقات عبر شاشته ,,
البنت وضعها حساس في هالموضوع خاصة انه جهاز يضيف الميئات من الاشخاص سوأ نعرفهم او لا.
اشخاص كل ما يربطنا بهم هي شاشة مـربعه نتراسل من خلالها الكثير والكثير وهنا مـربط الفرس
ياترىوشو اللي يدور بيننا من سوالف؟! ياترى وش نـوع الروابط اللي توصلنا وبضغطة زر نرسلة للقروب
كله ..اختي الغاليه لابد لكي من وقفات مـع نفسك وتكونين صادقة لأجل محاسبتها اولآ بأول ....)
وهكذا لكل بداية نهاية ،
,وخير الكلام ما قل ودل وبعد هذا الجهد المتواضع أتمنى أن أكون موفقة
في طـرح الـموضوع( يبقى ان تشاركوني بـ مســـجاتكم اللي أثرت علــيكم,,,لـ ربما اثـرت على من يقرأها الآن)
تقبلوا اجمـل تحيـة معطرة بعبق الورد مـن
إعـداد
الـكاتبه : كللي حنيه
المصممه : دانا اخـت بشار
إخراج
( قروب مبـدعات حـواء)
رابط االقروووب <http://forum.hawaaworld.com/showthread.php?t=3400345
وهالموضوع بالذات كثر النقاش فيه منهم المؤيد ومنهم المعارض بس صار واقع لازم نعرف كيف نتعامل معه
ومثل ماقال دكتورك لازم تعرفين ايجابياته وسلبياته عشان تحدد اهميته بحياتك