الفرصة الاخيرة

السلام عليكم
امس زوجي كلمني الصباح وكالعادة بدأ حرب الاعصاب حقته
رسل لي رسالة عالواتس
يخبرني فيها انه مارح نصلح ل بعض والانفصال احسن حل لنا واسامحه على كل لي صار وانه بيبدأ حياة ثانية مع زوجة ثانية غيري
انا شفت الرسالة ومارديت بحرف
لما شافني مارديت صار يغلي من جواه وعلى طول صار يرسل ليه ماتردي
رديت عليه ب الله المستعان افعل مايحلو لك وجن جنونه صار يقولي يعني موسائلة على الطلاق ولا اني بتركك وبتزوج غيرك
قلت له لا
غاب كم ساعة ورجع رسل لي رسالة
يقولي السلام عليكم ابغى اشوف صور بنتي وصورتها له
بعدها قالي وش رأيك نرجع ونعطي بعض فرصة ثانية ومدري على اي اساس فرصة ثانية
انا قلتله وفهمته اني ماسويت حاجة عشان تعطيني فرصة ثانية ٥ سنين عايشة معاك ما اذيتك ولا اذيت اهلك بس انت كل شوي تسمع من اختك وتروح تطردني ل بيت اهلي النفس عافت والله تبغى تطلق طلق الان مو سائلة ابدا ولا رح انتظر محكمة
بعدين قالي خلاص بس اهلك لايدرون بحاجة عن لي حصل وانا بجي برجعك بالليل وجا اخذني على اساس كان مسافر ورجع وقعد يتكلم بالسيارة عن الطلاق والخبز والملح لي صار بيننا وانه لازم نكون حكماء بقرارتنا وبالاخر اعتذر ودخل غرفته ونام
انا مشكلتي الان ماعد طقته وكرهته ولو طلق كان احسن لي بس هو ضعيف ويبغى يسوي نفسه قوي وانه يقدر يستغني عني ويطلق بس دائما يثبت العكس
حاطة براسي انه هذي الفرصة الاخيرة وبعدها انا لي رح افاجئه بقضية خلع
اهله واخواته حذفت ارقامهم وطلعت من القروب لي هم فيه ورجعوني عليه
مقررة من اليوم اخلى العلاقة رسمية جدا مثل سلفتي
مقاطعتهم وحتى ارقامهم ماعندها وماتزورهم ابدا لا بفرح ولا ب حزن والنتيجة مريحة نفسها وراسها