الفرق بين حوار السعودي والسعوديه بعد رجوع من العزيمه----
انواع التنتيـــف والتقطيــع-
السعودية بعد الرجوع من العزيمة
هي: يوووه فاتك نص عمرك.. توني جايه من العزيمة
أختها: وش حطوا؟
هي: يو يو يو، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتهاذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والاالعشاء ياربيييييه يهبببببل(يستمر وصف الاكل ساعة ونصف)
أختها: جت نوف؟
هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل
أختها: لايكون نفس اللي لبسته قبل 5سنوات؟
هي : لا لا ذيك المره لابسه فستان أحمر مو وردي ولا كان فيه كرستالات
،
اختها: أجل شكلها لابسه فستان بنت عمها أريج لاني شايفه اللبس هذا عليها
.
هي: اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين
أختها: وجزمتها؟
هي:ما أدري ماشفتها، تصدقين طول العزيمه وانا احاول اتشوف للجزمة لكن ماقدرت، حتى اني يوم طفشت في الاخير ذبيت شنطتي تحت الكرسي حقها علىبالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسهاكان طويل مرة ومغطي رجولها
اختها: اكيد جزمتها مثل لبسها يحوم الكبد .. هي دايم كذاذوقها خايس ...طيب ومكياجها كيف كان؟
هي: وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لهااالمكياج ، شكلها زوجةابوها
اختها: طيب وتسريحة الشعر
هي:حقت مين؟ نوف والا اريج؟
اختها: كلهم
.
هي: تسريحة نوف حلوة، حاطة شباصة فضية وبكلةوردية، ومشابك برونزية والشعر صابغته بلون كحكحي لكنه يهببببل،
اختها: كحكحي؟يعني ايش؟
اختها:ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسهابالضبط
اختها: على طاري الخدامة؟ خدامة اريج وش لابسه
..
هي: الخدامة لبسها عادي، لكن جزمتهاخقااااااااااااق ، تهبل ماكأنها جزمة خدامة، لونها اسود وعليها خيوط فسفورية
اختها: صدقوالله؟ هذي مو جزمة اريج؟
هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.
(ويستمر الحش إلى صلاةالفجر)
------------
السعودي بعد الرجوع من العزيمة
هو: السلام عليكم، توني جاي من العزيمة وترا كل الشباب يسلمون عليك
اخوه: وعليهم السلام ....زين
انتهت المحادثة.
ههههههههههههههههههههههههههههههههههههه
لاتزعلون يآصبآيا آلبعض بس
__ منقووووول ___
أرجع وأقول بدون زعل يابنات موب كلنا كذا
__________________
سكون العواصـــــف @skon_alaaoasf_1
محررة برونزية
يلزم عليك تسجيل الدخول أولًا لكتابة تعليق.
حنايا الشوق
•
مع الاسف كلامك صحيح وهذا الواقع
هههههههههههههههه بس مو الكلهههههههههههههههه بس مو الكل
خخخ
ايه وانتي الصادقة
تسلمي
ايه وانتي الصادقة
تسلمي
الصفحة الأخيرة