الفزعه الله يخليكم

السلام عليكم اخواتي بدخل في الموضوع على طول
انا حاسه بتانيب الضمير وطفشانه مره مره والسبب عصبيتي على ولدي عمره 12 سنه
وطول اليوم وانا اوجه فيه مدري وش الصحيح بس مليت واذا تركته ماراح يدرس دروسه ولا يتروش وحتى الصلاة الحمد لله يصلي بس بعد ماامره اكثر من عشر مرات واذا تركته يصليها بس يجمع العصر مع المغرب واحيانا يقوم الساعه 1في الليل ويصلي بالسرقه عشان ماشوفه وصدفه اشوفه ويقول نسيت صلاة العشاء الى متى وانا اتكلم كل يوم اذا رجع من المدرسه اقوله على طول غسل يدك وبعدين عادي كل اللي تبي بس اذا جاء طار للمطبخ وياكل ويده والله لونها صاير رمادي من الوسخ يلعب كوره ويمسح الارض بيده وملابسه يمكن تقولون سخيفه بس اقرف من هذي الاشياء
واليوم ضربته وقلبي يعورني عليه لانه صاح ونام ودي اقومه مشتاقه له بس مابغى اكون متردده قدامه
والله مليت من وجع الراس هو اكبر اخوانه وعندي طفلين غيره طول اليوم ضرب فيهم مادري العيب فيني والا في طريقت المعامله اتمنى اعرف جربت كل الطرق بالطيب والقوه مانفع ابغى حل ارجوكم ابغى اخذ دورات ادعولي الله يعطيني طولت البال والصبر واني مااظلمه ابدا لاني احبه كثير وابغى اقرب منه :(
والله اليوم بعد ماضربته واخوانه يبكون والبيت ازعاج بغيت افتح باب الشارع واطلع امشي في الشارع احس اني مخنوقه وزوجي نايم ولا همه :40::40:بس اخاف والشيطان قالي :30:روحي اجلسي في البراحه اللي جمب بيتي خليهم يتادبون هم وابوهم بس خفت اح يشوفني ويقول وش ذا الخبله :22:
وش رايكم كيف اتعامل معه واللي تفرف عن دورات في الرياض عن التربيه تفيدني ولكم جزيل الشكر:26: