القرار الي اتخذه بالموضوع رايكم

مساء الخير للجميع
عندي اخوي طفشني على بنت يبغاها له شهرين كل يوم يتصل حتى وهو في المرابطه بالحج يقول لاجيت بنروحلهم قبل البارح وصل جاي من مكه ومابغى اقابله حتى جواله صرت مارد عليه فيه واحد من خوياه عازمه في رمضان وراحله ودخله صاحبه وقال دقايق جايك مدري وين راح بقاله مدري وين يقول فجأة
دخلت علي اخته مانتبهتلي الا لما قربت من السفره
ورمت الي في يدها وشردت ومن ذاك اليوم وهو مطفشني عليها المشكلة من ابوي كلمه وقال مافيه غيربنت عمك وزعل لان حنا عندنا النظام الزواج الولدلبنت عمه والبنت لولد عمها واغلب الزواجات
الي اختار ماهو الولد ابوه يختارله ولا امه
ويقولي اخوي انا كلمت اخوها قال ونعم فيك وانا اعرفك ومخاف على اختي عندك بس هات اهلك وابشر وهويبغاني اروح اناوياه وامي نخطبها امي رفضت ماتبغى مشاكل مع ابوي تقول إذا ابوك وافق اروح ويبغاني اروح معه هو غالي ولاودي اكسر بخاطره بس ابوي لو درى انا نخطط من وراه بيزعل وكل شوي يتصل المشكلة حتى زوجي يقول ياكثر اتصالات اخوك شكلكم تخططون على بنك بتسرقونه هههههه
بعدين علمته بسالفه ابوي قالي زوجي روحي معه انتي وامي تبغيني اكلملك امي قلت لا فكنا بنحاول في ابوي لون راسه يابس عارفينه وقراره لو غلط يحب يمشيه واخوي زعلان عليه له شهر مقابله حتى يوم جاء اخوي من مرابطة الحج زعلان وماسلم عليه عشان عيا يخطبها له وراد امي تروح معه واحس انه بيزعل علي اخوي لوطنشته وهو غالي وله وقفات اموت مانسيتها