القلوب تغيرت

جدتي الله يرحمها كانت تقول مثل سق الرجال بسوايقها واسلم من لوايقها
ومعناها عامل الناس بالمثل ومالاحد شرهه على احد
المهم بقولكم
خالتي وبناتها علاقتنا قويه مع بعض لدرجة نلبس من ملابس بعض وكأننا خوات
المهم خطب اخوي وملك وتزوج وحملت زوجته وولدت اول من خبرنا هم بكل هالمناسبااات بحكم علاقتنا المهم خطب ولدهم وملك وحددوا الزواج واحنا اخر من درى حتى لدرجة الناس انصدموا اننا ماندري المهم جابوا اعذاار تافهه
ومشيناها
بعدها انخطبت اختي وملكت وتزوجت وحملت وولدت وربي هم اول من يدري
جاء بعد فتره انخطبت بنتهم ثلاث مرات وبعد مايرفضون يقولون لنا انا انصدمت المشكله خالتي تخاف من العين لكن البنات قسم بالله يابنات اي شي يصير عندي هم اول من يدري
حتى لو شيء تافه اليوم وحده من البنات تكلمن وتقول انها انخطبت ورفضت وان هالموضوع له اسبوعين انا صح بداخلي انصدمت بس عديتها وكاني ماسمعت شي بس الي صدمني اكثر ان خالتي جتها وهي تكلم الا اسمعها وهي تكلم وتقولها من هذي الي تعلمينها قالت فاطمه يمه فاطمه واستاذنت بسرعه وقفلت وفاطمه هذي تصير بنت جيرانهم يعني معقوله عندها بنت الجيران عادي تدري وانا لا
قسم بالله انصدمت وامي زادتني تقول تستاهلين انتي كل شي تعلميهم
من مر عليها مثل موقفي ووش كان تصرفها وردة فعلها