كيفكم ياخواتي بدخل في الموضوع وسامحوني اذا اخطات في الاسلوب لاها اول مره انقل لكم مشكلتي
انا عندي :04:عمرها سنه وثلاث شهور الله يهديها مع هاليوم مههبلتني مرررررره مدري وش الحل فيها دايم تصيح على اتفه الاسباب ومزعجه مررهتخيلو مواقفها معي مره جيتها وهي كابه زيت الزيتون كله على الارض وتزحلق فيه ولا هيب اول مره سالفه الزيتون دايم تكررها لين صرت اقفل المطبخ وتعرفون المجرى حق المطبخ اللي تحت المجلا دايم تفتحه مع اني اسكره واشم في مطبخي ريحه مو حلوه واغسل بها المنظفات ولافاد وعرفت تدرون من ايش ؟
الله يعافيها االبنت قاطه في المجرى بصل وتراكيبها حقت الالعاب وش بعد مقشره البطاطس اللي لي فتره وانا ادورها ورحت سكيت المجرى بلزق عشان احل مشكله
وطلعت لي مشكله الحمام اللي دايم تنقع فيه بملابسها وكل شوي وانا ابدل لها وقفلنا الحمام بمفتاح تخيلو كل دروجي حقت الصاله والادراج اللي تسحب لزقتها بلزاق نفس لون الدرج عشان ماتفشل لين جوني حريم كل البيت ملزق عشانها تفتح الادراج وتنكت كل شى فيه وا بغت حاجه ولاابيها تاخذه تصيح لييييييييييين يوجعني راسي ولله ياخواتي اني تعذبت منها تخيلو حتى اذ ابغى اتغدى انا :arb:تعالي شوفيها تقعد واقفه هذا صحن تبغاه وهذا ببسي تبي تشربه تجنني عند الببسي تقوم تصيح لين ابوها يعطيها يقول فكيني من ازعاجها وصياحها يطيح الطير من السما احيانا يوجعني راسي منها
وكله كوم ولما اروح لاهلي كوم ثاني عند اهلي اختي بصف اول ابتدائي تخيلو تغار منها حيييييل اذا شريت لبنتي شي ليش تشرينها انا ابغى زيه مع اني ماقصر عليها حتى الشباصه الصغيره لاحطيتها في بنتي تغار ودها تحطا في الزباله ولاتلبسها بنتي
وبنتي ماهيب قليله شر تدور اللي يغث اختي مره بنتي اخذت كتاب اختي وشخمطت عليه قامت اختي تزاعق وتصفق بنتي ذاك التصفيق لين فحطت على وانا ساكته اقول ماعليش لاختي هذا داده ماتفهم وانتي شاطره يلله رضت واخواني يموتون في بنتي ولايرضون عليها وفي يوم قامت بنتي واخذت من ملابس اختي تخيلو اللبس قديم ولاتلبسه اصلا كبرت عليهويوم شافت اللبس بيدين بنتي وهي تنجن وتركض تبي تمسك بنتىيولا بنتي تركض قدامها وتخبى وراي وانا اقول لاختي هذلبسك قديم وش تبغين فيه ابفهمها مافي فايده واباخذه من بنتي تصيح براسها كله وبنتي تطالعها وتضحك وهاذيك احترت وقامت وجت من وراي وضربتها على راسها احسب بنتي تموت هك اليوم تخيلو اخذت وقت وهي مزرق وجهها وانا مغير اقول ياربي استودعتك بنتي حتى امي خافت مرررره وقامو اخواني ضربوها مع اني اهاوشهم لايضربونها ااااه وامي اختي هذة قعدها يعني مالها خلق مبزره
لاشوفتو بنتي قلتو وش حليلها هي بيضا وحلوه وكل من شافها حبها بس فيها طبع اذا احد بسلم عليها بتموت على بالها بيذبحها وتقول يع وتكرمون
مره رحت لاهل زوجي وقامت جدتها بتسلم عليها وقالت بنتي يييييييع انا طاح وجهي وجدتها تقول عيب انا جدتك قمت اصرف واقول هي ماتحب احد يسلم عليها حتى امي تسوي كذا
خواتي وش رايكم بمشلكتي لها حل
انا من الاقيها من الوحام اللي شاق كبدي ولا من بنتي ولا من غيره هالبنت ومن هالزوج اللي دايم عزايم وطلعات واذا قلت تعبانه فال عجزتي ماعاد فيك خير
تكفون ابغى حل او ادعلولي بصلاح حالها ويبلغني فيها عروس امين بدعليكم من كل قلبي واعذروني اذ طولت عليكم
مرهفه احساس @mrhfh_ahsas
عضوة جديدة
يلزم عليك تسجيل الدخول أولًا لكتابة تعليق.
حبيبتي لا تزعلين أنا بنتي كذا وولدي كمان الله يهديهم بس وتذكري إنها مرحلة وتعدي واشتري لها ألعاب فك وتركيب واشغليها فيها
الله يسعدها ياربي حبيتها وانا ماشفتها ودي أعظها خخخ يالحبيبه لازم في هذا السن انواع الخراب يقول اخوي لي هذا السن يسمونه سن الغثاء
لاني كنت اعاني من ولدي هي فتره وتروح وبنتك بتكبر وبترجعين تتذكرين حركاتها وتضحكين الله يخليها لك طولي بالك بنتك طبيعيه مثل أي طفل في العالم ادعي لها ان الله يرزقك برها ولازم تقفلين كل شيء اللحين والله ولدي امس لقيته كاب الرز في المطبخ كنسته ودعيت له بالهدايه ويش نقو ل بعد بوسي لي بنتك والله يحفظها لك وسلامتك
لاني كنت اعاني من ولدي هي فتره وتروح وبنتك بتكبر وبترجعين تتذكرين حركاتها وتضحكين الله يخليها لك طولي بالك بنتك طبيعيه مثل أي طفل في العالم ادعي لها ان الله يرزقك برها ولازم تقفلين كل شيء اللحين والله ولدي امس لقيته كاب الرز في المطبخ كنسته ودعيت له بالهدايه ويش نقو ل بعد بوسي لي بنتك والله يحفظها لك وسلامتك
الصفحة الأخيرة
شي طبيعي ان كل الاطفال كذا