الكاونتر ....طلب اسجل رقم جوالي على الفاتوره

جزاك الله الف خير
بس وش القصه<<<<<ماعندها وقت

عادي يا قلبي لا تخافين

هو طلب منك هالشي لانه رجع لك الفلوس وهو مسجل عنده بالجهاز المبلغ اللي اندفع

وبين كل فتره وفتره صاحب المحل يشيك على المبيعات والكشوفات

وبيكتشف ان المبلغ ناقص ( المبلغ اللي رجعه لك ) وعشان يثبت انه ما سرق يطلب منك رقم جوالك

يعني لو سأله الوكيل او صاحب المحل عن الفلوس يقوله انه رجع الفلوس لصاحبها

ويتأكد الوكيل او صاحب المحل من هالشي من انه يتصل عليك ويسألك

انا قد صارت لي مثلك بس كنت اكتب رقم ابوي او حتى اخوي

يعني مره ثانيه لو طلب منك اكتبي رقم زوجك او ابوك او اخوك المهم رجال

لالالا عادي يطلبون رقم الجوال ..
انا كل مره ارجع لي لبس يطلبون الاسم ورقم الجوال ..
احط اسم زوجي وجواله ..
لاحركه جديدة ولاشئ .. من زمااان واحنا عارفينها ..

عاادي صارت معنا في تويز ار اص نرجع لعبه لولدي ونستبدلها بغيرها

فطلب من زوجي يسجل رقمه على الفاتوره

تطمني الوضع عاادي
لكن من الافضل البنت ماتكتب رقمها

عادي جدا ولازم بكل مره ترجعين بضاعة تسجلين رقمك .. وهالشي معروف بكل مكان بالعالم ..

لسببين الأول اثبات لصاحب المحل زي ماقالت وحدة من الأخوات ان الزبون رجع البضاعة ..

والسبب الثاني يحتاجون يرجعون للزبون لو لاحظوا على القطعة أي شي

(يعني مثلا بعض الناس تلبسها وترجعها أو يكون حصل للقطعة أي شي وهي خارج المحل) وهالشي يحفظ حقهم ..

اعطيك مثال مره شريت لزوجي بنطلون وأنا اعرف مقاسه لما جربه بالبيت طلع من فوق كويس

بس من تحت مره قصير .. طلع واحد كان شاريه وقصره عند الخياط ولما شبع منه رجعه ..

رحنا المحل شكينا وطلعوا الفاتورة وكلموه قدامنا بس عاد مادري وش صار عليه معهم ..

اذا مو مرتاحه حطي رقم أخوك أو زوجك وسجلي اسمه ..