الكتمان والصمت والفضفضة بالدموع

السلام عليكم ورحمة الله وبركاتة
بنات انا بصراحة تامة ماعندي من يحبني او يبيني حتى اهلي يتضايقون مني اذا تكلمت وفضفضت لازم يطلعوني اني غلط وكلامي غلط وان مالك حق تتكلمين ابدا او تدافعين عن نفسك خاصتن هالايام صاير المشاكل اكثر من اول ودايما انا ضلع فيها ماادري شسوي بنفسي اتمنى اموت وربي وارتاح من هالهموم تعبت كثير وانا اكتم واكتم واكتم في مواقف كثيرةماادري ابدا من ايش واقول ايش واخلي ايش بيوم من الايام قلت بس مزح لولد اختي شرايك تقهويني على حسابك بكوفي قال خلاص تم جاء اليوم اللي بيقهويني خالف وتعذر وكذا يوم جاء اليوم اللي بعده قال يلا بقهويك قلت خلاص المهم رحنا الكوفي وشرا لي حلا بدون مشروب وقلت له الله يغنيك الخ يوم جاء اليوم اللي بعده قال ولد اخوي يبي يروح ورحت معه وراح ذاولد اختي معنا اللي شرالي الحلا قبل المهم لما شرى بفلوسه قطيه مع ولد اخوي خلصت فلوسه قامت تهاوش ومدري ايش وزعلت تبيني اقهويه انا طيب هو شرالي حلا وانا شريت حلا وخليته ياكل معي وزعلت تبي كله بحسابي ناديت ولدها وقلت له اخذ فلوسك اللي دفعتهم لي خلاص ماابي امكموب راضيه انك قهويتني رفض ياخذهم وحلف قلت اخذهم ماابي يصير عندي لاحد شيء الله الغني
المهم زعلت وماتكلمني حاليا ليش ولدها يدفع لي حلا ب16ريال ورجعتهم له قلت خلاص وربي ماابي اذل نفسي على هالحلا ولاابي من احد شيء مايسوى علي
هي ماتكلمني واختي الثانية علاقتها معي مش ولابد ماتبيني بعد هي وسلبية اذا قلت شيء قامت علي
اخواتي كلهم علاقتهم معي زفت ممكن اخف وحده اختي اللي ربيت ولدها هي اهون منهم
مايبوني اكلم حتى اعيالهم واذا قلت شيء قالوا مالك دخل
تخيلوا اللي يقهرني اكثر ربيت اعيالهم ومسكتهم لهم عمرهم ماذكروا لي شيء ابدا كلا يقولون اختي الثانية مربيتهم لهم حتى قدام الناس مدح لاختي
انا تعبانة وربي من عيشتي اتمنى الارض تنشق وتبلعني
كل مااحاول افضفض مالاقي احد يوقف معي صرت اكتم وافضفض بالدموع
واحيان هنا اكتب شعري كله شيب من الهم والغم صدري حساسية الصدر وجسمي حساسية داخلية حبوب بالجلد
شعري تساقط فضيع ومنتف
طبعا انا كبيرة وغير متزوجة عمري باواخر الثلاثينات غيررموظفه وماعندي دخل ابويا متوفى الله يرحمه


ماعندي حتى صديقات اشكي لهم همي ومااحد يتحمل احد يبون الفكة منك بس


الحياة قاسية معي وابتلاءات كثيره الله ياجرنا بس


تعبت حتى من البكاء ومن الحياة وربي نفسيتي دمار
مشكلة اذا الاهل مايبونك ولايعتبرونك شيء