الكل يساعدني بحكم الصداقه

كالوري :

هلا اختي.. انا بعطيك طريقتي 1_ اغسلي الرز زين لين ينظف ونقعيه من ساعه الى ساعه ونص ( ضروري يتنقع علشان تطول حبته ) 2_ قطعي بصل واحمسيه مع زيت وضعي عليه البهارات العدله ( هيل + دارسين + ليمون اسود واذا تحبين القرنفل ضيفيه ) وقلبيهم مع بعض شوي 3_ اضيفي لهم حبة طماطم مقطعه مكعبات صغيره واذا حبيتي يكون لونه احمر زيدي ملعقة صلصه ( الأفضل بدونها ) وقلبيهم سوى لين يذبل الطماطم 4_ اضيفي قطع اللحم او الدجاج + الملح + رشة بهار وقلبيهم لين يتغير لون اللحم 5_ صبي عليهم الماء المغلي وخليهم لين يستوي اللحم 6_ بعد الاستواء طلعي قطع اللحم او الدجاج وحطيها في صينيه وحمريها بالفرن , واشخلي الرز من ماء النقع وضعيه على مرقة اللحم ( ارتفاع المرق عن الرز لازم يكون بحدود 1 ونص سم )وحطي على الوجه فلفل اخضر ( حبحر ) وغطي القدر وخليه على نار عاليه لين ينشف مويته ( بس انتبهي لا يلزق بقاع القدر ويحترق ) واذا نشفت المويه قصري النار وخليها واطيه مره ووزعي كشنة البصل على الوجه ( على حسب الرغبه ) وغطي القدر وخليه لمدة ربع او ثلث ساعه وبس قدميه اتمنى اكون أفدتك .. وترى كل وحده ولها طريقتها بالطبخ بس اهم شئ لنجاح الكبسه هو نقع الرز لمده كافيه وكمية المرقع ماتكون كثيره على الرز ويعجن

هلا اختي.. انا بعطيك طريقتي 1_ اغسلي الرز زين لين ينظف ونقعيه من ساعه الى ساعه ونص ( ضروري...