السلام عليكم ورحمة الله وبركاته
بـ خوش بالموضوع ع ـ طول ..
انا يا بنات دورت وبحثت بالنت عن كيراتين كويس ..
وبعد البحث ارتحت لشركة كيور كيراتين والسبب ان منتجهم طبيعي " يفترض انه طبيعي "
الموهيم .. اتصلت على المندوب وسألته وين المشاغل اللي تسويه بالخبر او الدمام
قال لي على مشغل اشراقة العنود " حسبي الله عليهم "
رحت لمشغل اشراقة العنود وسويته عندهم بعد ماحاولت الموظفه انها تقنعني اسوي فرد خاص بالمشغل بدل الكيراتين .. ولكن انا رفضت لأن شعري مو مرره خشن
سويته وعطتني الشامبو والبلسم اللي المفروض انه تابع لنفس الشركه لكنه كان معبأ بعلب غير عن العلبه الخاصة بالشركه .. ومكتوب عليها " شامبو الذهب " " بلسم الذهب "
و انا افترضت انه اكيد الشامبو يجي بعلب كبيره للصالونات عشان كذا فرغته بعلب صغيره
طبعا ريحة البلسم والشامبو ابدا مو حلوه .. كأنها ريحة بلاستيك
وقلت يابنت مشي الامور .. اهم شي ان شعري صار مررره حلو
وظل شعري حلو لمدة اسبوعين وبعدها ............. رجع لحالة الطبيعي !!!!
علما بأني دافعه عليه 1500 ريال !!
ولما كلمت المندوب وقلت له المشكله قال لي مستحيل اكيد انتي استخدمي شامبو وبلسم غير عن شركتنا ..
لأن اي شامبو كيراتين غير عن كيور كيراتين ماينفع
ولما رحت للصالون وقلت لهم عن المشكله طلبت اني اشوف الشامبو والبلسم بعلبته الاساسيه حقت الشركه .. وطلعت ريحتها غيييييييييييير .. ريحتها حلوه بالعسل واللي عندي اي كلاااااااام وريحتها بلاستيك
وتخيلوا ان الموظفه عيني عينك تحلف لي برمضان حسبي الله عليها ان اللي معبأ نفسه اللي جاي بالعلبه !!!
وحلّفت كم موظفه كانت موجوده انهم يشمون ريحة العلبتين وقالوا فعلا في فرق بالريحه
مااطول عليكم .. قلت لهم عوضوني .. ورفضوا وقالوا لي مانرجع الفلوس و اذا تبين نسويه لك مره ثانيه ادفعي فلوس !!!!!!
يعني اشكره نصب واحتيال وتبيني ادفع لها فلوس مره ثانيه
مااقول الا حسبي الله عليهم
انتبهوا منهم النصابين .. حبيت انقل تجربتي مو عشان اقطع رزقهم ..
بس عشان اللي مثل حالتي مايعرفون بالمشاغل ينتبهون
3deda @3deda
محررة
يلزم عليك تسجيل الدخول أولًا لكتابة تعليق.
الصفحة الأخيرة
وفعلا فيه ناس ماهمها الا جمع الفلوس بأي طريقه
متناسين حديث المصطفى صلى الله عليه وسلم (( من غشنا فليس منا ))