الكيك والباف باستري

السلام عليكم اخواتي ابغى مساعدتكم ونصيحتكم.
عندي مشكلة ماتخليني انام الليل :( . انا دايم والدي يحب ياكل كيك او بسكويت على الافطار لكن عندي مشكلة كبيرة اني يوم اسوي الكيك وادخله الفرن ويوم يبدى بالسوى يتشقق وجهه ويصير فيه حفر مرة اموت قهر ما ادري اش السبب خالتي قالت لي لاني اخفقه كثير طيب شسوي شلون اخلط المكونات وخاصة السكر لازم يذوب زين وقريت مرة ان السبب يكون الفرن حار حاولت اخفف حرارة الفرن لكن برضو نفس المشكلة ما ادري وين الغلط :icon33: .
اما الباف باستري وما ادراك ما الباف باستري انا اعشقه واللي اعرفه ان عمله سهل مرة لكني جربت انواع كثيرة لكن دايم المشكلة ذاتها اشيلها من الفرن تطلع شحليلها لكن شوي وتهبط ما تصير عالية :angry:
انقذوني ارجوكم وقولولي اللي تعرف المشكلة اش؟