اللحم الفاسد واللحم الطازج

السلام عليكم ورحمة الله وبركاته
انا اليوم بسوي لازانيا زي ماهو واضح في موضوعي السابق
امس اشتريت اللحمه المفرومة من بن داوود في مكة ومتعودين على صراحتهم والكل يمدح فيهم
حطيت الصحن في الثلاجة الساعه 12 مساء وماحطيتها في الفريزر
واليوم الصباح سويتها عشان اجهزها وفي الظهر بس احط طبقات اللازانيا
المهم يوم فتحتها شكيت في الريحه وجلست اطالع فيها مافيها تغيير في اللون يعني لونها مو غامق اوفيها شي
لكن حسيت فيها ريحة غريبه لاهيه مقبوله ولاهيه كريهة مدري هيه ريحة لحمه ولا لا
غسلت اللحمه ف يالصفايه الناعمه زي كل مره وحطيت خل وقلبته ولونها صار فااااتح زي لحم الدجاج النئ
بصراحه يابنات خايفه لاسمح الله يكون فيها شي او لحمة بسة او فاسدة
وانا حامل ماابغى يصير شي بعدين واندم
خاصة انو زوجي معشمته من كم يوم انو اسويلو لازانيا يوم الاحد