الللي عندها خبره في التربيه تساعدني تعبت مره ولدي متعلق بابوه بشكل عجيب ودايم يبكي

الأمومة والطفل

السلام عليكم

خواتي عندي مشكله متعبتني كثير هي تعلق ولدي عمره 3سنوات بابوه بشكل عجيب
اذا كان ابوه بيطلع للمسجد يساله وين بتروح يقول بروح اصلي يجلس يبكي لين يموت واذا جا من الدوام يبكي ولدي يبغى السياره ونحاول نهاديه نقوله الغصر نروح بس مافيه فايده يبكي ويصيح والله احس ان حلقه يتقطع من الصياح ولايسكت

وجهه شاحب واصفر من كثر مايبكي هو ياكل ماشاء الله بس والله مو باين عليه ابد ضعيف وعيونه غايره لجوا مره مره متعبنا بسالفة البكا
فيه خوف فضيع مايعرف ياخذ حقه واذا احد طقه ابد مايدافع عن نفسه الاطفال حتى اللي اصغر منه ياخذون العابه وهو ابد مايحاول حتى ياخذها
صرت دايم عصبيه منه احيان احاول امسك نفسي بس والله يفقدني اعصابي ببكاه وسالفة خوفه من الاطفال ذابحتني ودي انه يدافع عن نفسه واغراضه بس مافيه فايده

اقول لابوه خلنا نوديه لشيخ يقرا عليه بس بالمره رافض الفكره او اوديه لحرمه تعرف للاطفال لان جدته تقول لازم تودينه لحرمه تعرف للصغار بس زوجي ابد مايحب طاري المداويات الشعبيات

اللي تعرف كيف نتعامل معه تساعدني والله تعبنا دايم صياح وازعاج راسي دايم مصدع من بكاه
14
8K

يلزم عليك تسجيل الدخول أولًا لكتابة تعليق.

تسجيل دخول

فراشة البيت
فراشة البيت
الله يعينك ويعيننا
انا بنتي نفس الشي ضعيفه وما تدافع عن نفسها ابد للاسف كملت ٥ سنوات وداخله ٦ وهي نفس الحاله ووزنها وزن ٣ سنوات الله يصلحهم يارب ويحفظهم
ناردين2
ناردين2
يالغاليه اسألك بصراحه هل دعيتي له ....والله يااختي الزمي الدعاء له بالهدايه والصلاح وكل دعوة تريدينها فيه ...واستمري واكثري من دعائك له ...ما علمتي ان دعائك له مستجاب لانك والدة...وبإذن الله تشوفين كيف يتغير...
عذاابي
عذاابي
ولدك متعود علي السياره ويبي يطلع باي وقت مايفكر
عاشقةالتحدي
عاشقةالتحدي
الله يعينك طيب وديه عند أخصائي نفسي
لاريسيا
لاريسيا
ولدك زي ولدي
متعلق ببوه ينام معه لاقام لزق به
لاجاء من دوامه شلحله ملابس الدوام
ربي يحفظ كل طفل وكل اب وام