اللهم لك الحمد كما ينبغي لجلال وجهك وعظيم سلطانك

السلام عليكم ورحمته وبركاته من باب ذكر فضل ربي علينا ورحمته بنا ومن باب اخذ دروس وعبر من هذا الموقف اللي حصل لنا لاني احبكن بالله احببت ان اذكر هذا الموقف ...........                 جتني اختي من الرياض لاني على وشك تسقيط امي في قريه عن اخي تبعد 200 كيلو يوم الاربعا طلبت منا انا نتغدا عندها بكره وزوجي وزوج اختي وافقوا بس انا ظروفي ماتسمح قلت يالله خير نمت نص ساعه وقمت مفزوعه انتفض اقول انا خايفه نسوي حاااادث وافقد بناتي وخاصه بنتي الكبيره تعوذت من الشيطان وقرررت اني ماروح وفوق هذا معي الم بطني وظهري لاني على وشك تسقيط قمت الساعه 9 الصباح ولقيت مكالمات لامي دقه علي انا واختي اقول تعالن والا ازعل عليكن قلت ابشري وانا كاهه وقلت ياااااارب انك تعلم بحالي والمي اللي معي وتعرف ان هاالقريه اللي بنروح لها مافيها مستشفيات والا اني ابي رضاك ببري بولدتي فاانت سبحانك ارحم بنا من جميع خلقك واستخرت مرتين وتوكلت على الله وجهزت اغراضنا ومشينا بسياره وحده قلت لاختي انا خايفه نسوي حادث ويصير لنا شي وخايفه اكثر على بناتي قالت الحمدالله موسوسه قعدت اقرا ادعيه السفر واستودع الله انفسنا والحمدالله انا من النوع اللي استودع الله بكل لحظه بفضل الله مشينا بنهار رحنا لامي واخوي انبسطوا وانا اتالم اداري حالتي الجسديه والنفسيه عنهم قالت امي خلاص امشوا خافت يصير لي شي ومافيه لامستشفيات مشينا بعد صلاه المغرب طبعا تعرفون طرق القرى ظلام ونياق مسكنا الطريق واستودعت الله انفسنا بنتي الكبيره نامت بحظني والصغيره مع اختي مع اني قالت لها خليها بينا لاتتعبك قالت لا زوجي يسوق وزوج اختي جنبه زوجي الله يهديه ويحفظه من النوع اللي يسرع وقتها ماشي 140طبعا هذي ماهي شي عنده العاده يمشي 160/180يقوله كنت دقايق وابي ادعس اكثر ماشفنا انفسنا الا بوسط منقيه نياق حول خمسين راس صاكات الطرق والله كانهن سلسله متصله بعض يلف يمين نياق يلف يسار نياق برا يمسك بريك تطيح النياق علينا كلها دقيقه او دقيقتين والله سبحانه بقدرته وعزته تفتح لنا نافتين والله كانها باب انفتح لنا وزوجي الهمه ربي حسن التصرف وطلع بينهن ثواني دقيقه ربي نجانا وقفنا ويوم التفتنا الا توها يمشنا دقينا بوري عليهن عشان نطلعهن من الطريق والا يتضرر فيهن احد وقتها يابنات يوم اشوف النياق قدامنا شفت الموت ودعيت الله ماني حاسه بنفسي يقولونه لي اني اقول يااارب بنتي بناتي خافنا وقعدنا طول الطريق يبكن وانا احاول اهدي فيهن والحمدالله بفضل الله نجانا من غير حول لنا ولا قوه