يامرحبا بكل من شرف ولفى
نورتــــــوا
قصة صديقة عمري اللي نجاني وحفظني منها ربي الكريم
صديقتي هذه من الظفوله الابتدائي واستمرت علاقتنا
بالمتوسط ووصلت الثانوي وكنت احبها كثيرا صراحه بالرغم
من ان بعض سلوكها سيء اقصد انها تتهاون بالصلاه
ايام ماتصلي واحيان لا اللي احب اقوله كنت ع نيتي بريئه جدا وربي
اللي يعلم ولو تطلب مني ايش اسويها لها حتى انها كانت تقول وتعد
كثرت طلباتها مني المهم كانت تخفي بداخلها قلبا اسوداَ شديدا والله اني
لم انتبه له لاني كما يقال "كل يرى الناس ع طبعه"
سبحان الله كنت دايم انصحها وودي من جد ربي يهديها وتطور الحال فيها
وصارت تكلم شباب وهددتها ان ماتركت بعلم امها وما فيه فائده
واستمرت علاقتي اعرف اني غلطانه المفروض اتركها بس والله كنت بريئه جدا واقول لا ربي يهديها وانظر لها نظره محب مشفق عليها وراحت حفت
حواجبها وهاوشتها وزعلت منها قلت تحفين حاجب اعوذ بالله وبعدها بفتره
جتني وقالت يافلانه انتي حلوه مشاء الله بس لو تحفين حواجبك تطلعين احلى قلت لا اعوذ بالله انطرد من رحمه ربي عشان حاجب وبصراحه انا
اشوف ان الحف مايجمل بس الغفله اللي عاميه عيون الناس الله يهديهم
وجتني مره بيتنا وقالت لي فلانه ابي ممكن تلفونكم اكلم قلت ايه عادي
وكلمت وقالت خلاص بروح وراحت وانا والله ماسالتها قالت بكلم وحده تقرب لها المهم مره كنا بالثانوي بالفسحه كانت تبكي معنا وحده فقلت وش يبكيك قالت الدوره قلت ليه هي تعور فقامت صديقتي هاذي ووالله مااكذب وشهقت وقالت انتي ايش ماتتعبين ولا تطيحين ع الفراش ولا تشتفرغين قلت لا الحمد لله وانا صادقه وسبحان ربي بعدها الله
لايوريكم اتعب تعب شديد لايعلمه الا الله معاناة 9 سنوات من الالم
اللي حتى اختي بدون مبالغه تقول سبحان ربي يحيي العظام وهي رميم ولاده انتي شهريا مو دوره انقلبت حالي بسبب الالم اللي اعانيه وصراحه
ماكنت اعرف شيء اسمه عين كنت اجهل هالشيء يمكن تقولون غبيه لكن انا كنت بريئه ودايم يسموني البريئه المهم صديقتي هاذي كانت تحاول تمدح
لي الشر وكانت تروح مع شباب وتطور وضعها وانا اقول لها حرام ولكن بدون فائده وكانت امها تمدحني عندها كانت تقول ياليتك ربع فلانه
الشيء اللي احب اوضحه انها كانت تغار مني غيره مخيفه وانا والله ماكنت اعرف وكانت حقوده وصحيح يابنات صدقوني
" ياغافلين لكم الله " ونعم به
بتقولون كيف عرقتي راح اقولكم
صدمه عمري :06:
يوم كانت تحاول تزين لي المعصيه كنت اصدها وهذا نعمه وفضل كبير من
ربي هو اللي حافظني وكانت تشوف اصراري ووالله عمري ماكلمت شاب
بحياتي لان اشوف هذا من الحقاره وخداع الاهل وفضلهم واعذروني ع الكلمه مافيه شاب بهالكون يستاهل غدر وخيانه الاهل عشانه
فسبحان الله انفضحت وصادوها مع شاب طالعه معاه وعرفت الام
وندمت والله اني ماقلت لها الله يغفر لي
المهم دقت علي مره من المرات وقالت لي وهنا اوضح لكم الله جل وعلا الحافظ دام انتي نيتك سليمه وصافيه للغير :
دقت علي وقالت بصوت عمري ماسمعته صوت الغيظ والقهر والحقد الشديد
انا حاولت بشتى الطرق اضرك ولكني عجزت ماقدرت
اكرر لاحظوا كلمه شتى الطرق وانا والله يعلم ربي بنيتي تجاهها وكنت ابي
لها الخير اكثر من نفسي انصدمت ما انكر وسكتت اسمع كلامها
كأن احط عطاني كف شديد وقالت مصيبه اكبر تذكرين ذاك اليوم اللي جيتك فيه وقلت بكلم تليفون بيتكم قلت ايه قالت انا ذاك اليوم كلمت شاب وقلت هذا بيت فلانه تخيلوا دقت من تليفون بيتنا تبيه ياخذ الرقم
ويدق ع اهلي يا الله سبحانك ماارحمك ويعجز لساني عن شكرك والله
سبحان ربي الواحد الاحد اللي خلاها تنطق وتنفضح امامي
لا والاجمل من ذلك ان الشاب اللي عطته رقمي ما اتصل ابدا قالت لي بلسانها
يعني تخيلوا من اللي منعه انه يتهمني والله لو صار هالشيء كان الله
العالم بحالي لاني احب ابوي مرره واحترمه جدا ومتعلقه فيه وما اسمح انه ينحط بهالموقف ولو انقصت رقبتي من مكانها تخيلوا
رحمه الله اللي منع هالبلاء ومن مين من اعز صديقاتي والمصيبه
ماشافت مني اي اذى بحياتها وع هالسنوات 12 سنه
يا الله بس انت الحافظ لعبادك الفقراء وبعدها قطعت علاقتي فيها
ابدا وشاءت قدرة الله
وانا ما اعرف عنها شيء اطلاقا ابعدها عني ربي اشد البعد
ولله المنه
انا كتبت هالشيء لتعرفوا ان :
لكم ربا رحيما عالم بما في نفوسكم فان كان
خيرا زادكم من خيره وابعد عنكم شرار خلقه وان كان يعتريه الحقد والغل
والسوء للناس فلكم بالمثل فانتبهوا يابنات وخلكم حريصات من الصديقات
انتبهوا ولا تدعوا غل ولا حقدا ان يوقعكم بما تندمون عليه
شكرا وامتنانا لك يا اعظم الاعظمين ع مارحمتني به وصرفت عني شر كاد
يقتلني بدون علم مني اشكرك واعظم لك الشكر والامتنان
امام عبادك فلك المنه والفضل بما صرفت عني من سوء
لك حمدا وشكرا عدد مثاقيل الجبال ومكائيل البحار
وعدد الاقطار وورق الاشجار حمدا وشكرا لا اجر لقائله الا رضاك
ياحي ياكريم
وودي والله اعرف مكانها حتى اخذ من اثرها لافتك مما اصابتني به
فقد رأيت رؤى فسرت لي ان مايعتريني بسبب عينها
دعواتكــــــــــــــــــــــــــــــــــم الله يشفيني ويثبتني ويفرجها علي
واكرر ماكتبت للعظه والعبره وخلاص الحرص صار من
صفاتي الدنيا تجارب
واشكر لكم زيارتكم وتشريفكم
اجمل التحايا
نظرة غلا @nthr_ghla
محررة برونزية
يلزم عليك تسجيل الدخول أولًا لكتابة تعليق.
الحمدلله اللي نجاك من كيدها صحيح الله يحفظ عباده الصالحين .........
واذا كنت تعرفين بيت اهلها روحي امسحي من تحت الباب بفوطه مبلله بس لاحد يشوفك حتى لو ترسلين اخوانك الصغار او اي احد ثاني .........
اذا ماتعرفين ارقي نفسك والله يشفيك .........
جزاك الله خير على ذكر تجربتك لنا ............
واذا كنت تعرفين بيت اهلها روحي امسحي من تحت الباب بفوطه مبلله بس لاحد يشوفك حتى لو ترسلين اخوانك الصغار او اي احد ثاني .........
اذا ماتعرفين ارقي نفسك والله يشفيك .........
جزاك الله خير على ذكر تجربتك لنا ............
غاليتي انتي تقولين جت عندك في البيت صح
اذا هي اكلت او شربت شي عندكم او التليفون الي كلمة فيه امسحي اي اثر هي لمسته في بيتكم وباذن الله انه ينفع حتى لو كان من زمان والله يكتبلك الي فيه الخير واذا بغيتي حاجه ارسلي على الخاص لاني ماارجع لردودي
اذا هي اكلت او شربت شي عندكم او التليفون الي كلمة فيه امسحي اي اثر هي لمسته في بيتكم وباذن الله انه ينفع حتى لو كان من زمان والله يكتبلك الي فيه الخير واذا بغيتي حاجه ارسلي على الخاص لاني ماارجع لردودي
يااااااااارب لك الحمد يستاهل الحمد
انا تقريبا زي قصتك وحدة حقودة جدا وحاولت معي بشتى الطرق لكن وقاني الله شرها وهي اللي انفضحت سبحان الله
اللهم من اراد بي او بأهلي سوءا فرد كيده في نحره واجعل تدبيرة تدميرا له ياحي ياقيوم قولوا امين
انا تقريبا زي قصتك وحدة حقودة جدا وحاولت معي بشتى الطرق لكن وقاني الله شرها وهي اللي انفضحت سبحان الله
اللهم من اراد بي او بأهلي سوءا فرد كيده في نحره واجعل تدبيرة تدميرا له ياحي ياقيوم قولوا امين
الصفحة الأخيرة
وربي حفظك من شرها واذاها