الله الله ايش القرف والله بانهار مومصدقه اللي اشوفه في المطبخ والغُرف والمجلس!!

كيفكم حبايبي
الله يخليكم سويت حالة استنفار مو مصدقه حاسه عيوني جتها حساسيه
انا من ايام وانا تعبانه ونفسيتي الله اعلم فيها وحالتي وفكري مشغول
واشتغلت بالوظايف وبالناس والاجازه ونسيت روحي :44:
صايره اراكم اعمالي كلها
الاواني اخليها احيانا يوم والي يبغى وقت اكتر انقعه والفرن متسخه القصديره اللي عليه والثلاجه معفنه مع الاكل اللي فيها :angry:
غير كده ارضيات الرخام اهملتها
والصاله والمجالس احسها مغبره
وحتى غرفتي معفوسه فوق تحت وشوفي الاوراق متناثره والكمدينه حوسه وثلاجة الغرفه ريحتها قرف :09:
والدواليب..
والملابس المتسخه وحتى دورات المياه الله يكرمكم حدث ولا حرج :(
دحين اشوف نفسي حاسه مو قادره المس اي حاجه

بالله ايش اسوي وكيف ابدأ
مو متعوده اصير في هذا الموقف وماعندي خادمه..
كيف اسوي وفي ايش ابدا ؟
من شفت الحوسه حسيت بخمول وارق :(