الله عطني اخت مواخت

السلام عليكم ورحمه الله
كتبت الموضوع من قلب
ربي بلاني بأخت ماهي اخت مع اني اكبر منها بس والله احاااول اتحكم بتصرفاتها واتقرب منها واساعدها بس ابددد الي بمخه ابليس جالس جالس
طبعا اختي من قبل راعيه مشاكل وهذرة-هالحين انخطبت وزوجها جاب لها جوال المهم قلت لها عشان اتقرب منها عطيني احساباتك حقت البرامج وكذا زي الانستغرام والبيبي ارسلتهم لي
تخيلوو بعد يومين تحذفني وتحظرني
الي يقهر انا اختها الكبيرة وانا الي اراكض معها واساعدها كنها تستاهل وبالاخير اتحذفني
ماودي اكلمها .بس مابي هيبتي تنهز وودي اقولها ترا يوم حذفتيني احسن لانك ماتهميني
لاحد يقول فيه وفيه والله شايلينها بعيونا انا واهلي بس هي تحب الغلط والمشاكل وفيها كذب يمشي بدمها
وهي الحين مخطوبه قلت لها لاتبدين حياتك كذب ابديه صفحه بيضا بتسعدين تبدينه بكذب ترا بتندمين
وبعد هالكلام حذفتني
استغفر الله بس والله قهرتني الناس الي تعرفت عليهم الغرب الي ماعمري شفتهم والله محترمين ولامره سوو الي هي تسويه
ايش الحل؟؟
لحد يقول تفاهمي لاني تعبت معها انا واهلي
حسبي الله ونعم الوكيل