السلام عليكم
صبحكم ربي بالخير
بنات الله يجزاكم خير ابغى مشورتكم
انا عمري موب صغير ابد وتقدملي واحد من اهل بريدة وانا من اهل الرياض توني متوظفة عقد فترة العصر صدق ان الراتب موب ذاك الشي بس حلو يفرج انا عني الوالد متوفي ومكفيني الحمدلله يعني هو الدخل الرسمي
والرجال يمدحون باخلاقه لكنه موب موظف عنده محل خضار بس وما عنده اي دخل ثاني
وانا خايفة بعد وحدة من زميلاتي تقول ان رجال القصيم فيهم وفيهم المهم انا محتاااااااااااااارة كون اني ابنقل عن الرياض واترك وظيفتي وكون انه ماعنده وظيفة بعد وكون اني ما اعرف شي عن رجال القصيم ياليت تفيدوني والي ودها تعطيني عن صفات رجال القصيم وخاصة بريدة ياليت الله يجزاها الجنه واتمنى ان اهل القصيم مايزعلون ولا يفهموني غلط تراكم والله على العين والراس يالقصمان بس بغيت اعرف على شان لو كتبلي ربي نصيب كيف اتعامل معه
دعواتكم يالغاليات
العملة النادرة @alaaml_alnadr
عضوة جديدة
يلزم عليك تسجيل الدخول أولًا لكتابة تعليق.
مدري والله بس انتي تقولين مانتي صغيرة ؟؟ استخيري وشوفي ربي يرزقك خير دنيا ان شاءالله لا يحرمك من خير الاخرة ! ومافي شي اسمه طبع اهل قصيم او اهل رياض او شرقية في توفيق وكيرزمة بين اي اثنين ربي يوفقهم !! الله يرزقك التوفيق والستر اختي .
مدري والله بس انتي تقولين مانتي صغيرة ؟؟ استخيري وشوفي ربي يرزقك خير دنيا ان شاءالله لا يحرمك من خير الاخرة ! ومافي شي اسمه طبع اهل قصيم او اهل رياض او شرقية في توفيق وكيرزمة بين اي اثنين ربي يوفقهم !! الله يرزقك التوفيق والستر اختي .مدري والله بس انتي تقولين مانتي صغيرة ؟؟ استخيري وشوفي ربي يرزقك خير دنيا ان شاءالله لا يحرمك من...
بكل مكان فيه الزين و الشين و لا له علاقة بمكان و ممكن يصير حق الخضار احسن لك من الموظف و استخيري اهم شيء و بالتوفيق
الصفحة الأخيرة
والله نصيحتي لك الأستخاره ، وادعي بسجودك من كل قلبك
والخير فيما اختاره الله ، ويمكن صاحب خضار ابرك بألف مره من مهندس وغيره
بالتوفيق يارب