الله يجزاها خير اللي تفيدني بأحسن وصف

اب لعيونك يالغاليه

يارب يفيدونك

شوفي يالغاليه ممكن تسوين صينية سمك بالفرن والطريقه كالتالي

تجيبين السمك وتغسلينه ويتبل بالبهارات والثوم والليمون والخل ويترك نصف ساعه

بعدين تقلينه ومهوب شرط يتحمر بالمره يعني مجرد تشويح لأنك بتدخلينه الفرن

وتجيبين بطاطس ويقطع حلقات ويقلى في الزيت والأفضل انك تقلين البطاطس

قبل السمك على شان تستفيدين من الزيت :oادري اني غثيثه بس تحمليني ههههه

نرجع لموضوعنا وتجيبين بصل وثوم مع قليل من الزيت يشوح على النار حتى يحمر

ثم نضيف عصير الطماطم والصلصه والماجي والبهارات ويترك على نار هادئه حتى

يتسبك ونجيب صينيه ويوضع فيها حلقات البطاطس ثم نضع عليه السمك ثم

يسكب عليه عصاج الطماطم ويغلف بالقصدير ويدخل الفرن من الأسفل ربع ساعه

تقريباً ويقدم مع الأرز الأبيض أو رز الصياديه أو مع الخبز بصراحه تجنن وبالعافيه

الله يسلم هاالأيااااااااادي اللي كتبت فيها يارب بصراحه شوقتيني أسويه
بس إن شاء الله بكره عالغداء الله يوفقك دنيا وآآخره

مشكوره أسيرة القلوب2

سوي سمك مقلي
ادعكي السمك بليمون ودقيق عشان تروح الزفره
وتبليه بثوم مهروس وملح وليمون وبهارات مشكله وكمون وفلفل اسود وشطه بعدها قلبيه بالدقيق واقليه بزيت غزير على نار متوسطه الى هادئه الين يستوي وسوي معه ارز ابيض وسلطه وياسلاام

نظفي السمك مضبوط وحطيه في صينيه

وفي قدر كشني بصل مع ثوم وحطي عليها بهاراتك المفضله فلفل اسود كمون مشكله ماجي ونقعي تمر هندي مع ماء مناسب(حُمر ) وصفيه من البذر وحطيه علي كشنة البصل وخليه تغلي زين وعدلي ملحها وعاد انته اتفنني في النكهه لان سر الطبخه كلها في الكشنه ولذتها وحطيها علي السمك في الصينيه وافتح السمكه وحطي من الخلطه عليها واذا السمكه كبيره اعملي فيها شقوق بالسكين وعبي فيها من الخلطه ودخليها الفرن اذا تبين عليها مرق غلفيها بقصدير
(لايكثر المرقه تمسخ اوزنيها)اذا تبيه مرقه قليل لا تغطيه خلي المرق ينشف شوي كليها مع الرز الابيض وادعيلي افضل طريقه للسمك بعد الشواء والقلي

احيانا استبدل التمر الهندي بالطحينه السائله(نفس الطريقه) بس انا ما احبها الا
بالحمر ممكن تحطي مع السمك فلفل حار او بار اوكلهم




بس بصراحه انا ما احب الخضار ولا الطماطم علي السمك وبالعافيه عليكم