الله يرحم بنت عمي ويغفر لها يا بنات انتبهو من الشغالات

بسم الله الرحمن الرحيم
والله يا بنات قلبي بتقطع من الحزن لبنت عمي الله يغفر لها ويرحمها ويسكنها فسيح جنانه ويجعل قبرها روضه من رياض الجنه ويعوضها عن شبابها بالجنه


تكفون تدعون لبنت عمي بالمغفره والرحمه

هذي بنت عم لي من بعيد شوي يتيمه وعاشت عند مرة ابوها الاولى وذاقت الوان العذاب منها الله يسامحها وتبهذلت بحياتها وانا متاكده انها ماعاشت في بيت ابوها يوم حلو مخليتها خادمه عند بناتها ويوم يجي زوجها تسوي نفسها انها تعامل بنت عمي احسن معامله وعمي الله يهديه غافل عن حركاتها وماعمره سالها وش فيك او وش تبين وكل حقدها على هالبنت لأن زوجها تزوج عليها وجابت هالبنت وتوفت الام وقت ولادتها وعاشت فتره طويله عند خوالها عيشة فقر ويوم كملت عشر سنينن رجعت لأبوها وشافت الويل
المهم ان بنت عمي هذي مارزقها الله يالجمال وسبحان الله خطبها واحد اقل مايقال عليه ملك جمال ومتعلم طبعا في البدايه ماحبها ابد ابد وهاملها ولاهي مع بنات السوء والمسكينه تحملت عشان ماترجع لبيت ابوها وكان عند هالزوج ام قاسيه وتعايرها بشكلها وتتهمها بالسرقه وصبرت وكانت ربة بيت ممتاااااااازه وتشرف زوجها في كل عزيمه وحبيبه مع الكل مع مرور الايام انقلب اهمال الزوج لشغف وحب بعد ماشاف صبرها وتفانيها وتوقعت ان الدنيا اضحكت لها لكن صار العكس طبعا كل ماحملت توصل للسابع ويموت جنينها وتصبر وتحتسب الاجر عند الله لأنها انسانه مؤمنه وصابره وملتزمه جدا وحافظه للقرآن الكريم وصبر زوجها معها ومن عياده لعياده ومافيه فايده
وكان عندهم شغاله اندونسيه كانت تعشق هالزوج وحاولت معه كذا مره ولااستجاب لها فحقدت على زوجته رغم ان بنت عمي تعاملها احسن معامله وحب زوجها يسفرها لكن الام رفضت وصبروا عليها وبعد فتره يأست الشغاله وطلبت تسافر ولأن بنت عمي نيتها سليمه اعطتها من هدومها وسافرت الشغاله وبعد شهر تقريبا اتصلت الشغاله على الزوج وقالت انا سحرت زوجتك ولايمكن تجيب عيال او تخلف ويمكن تموت وفعلابعد فتره كانت بنت عمي تشتكي من اصبعها الابهام وراحت للتخصصي وقالو عندها ورم في عظم الاصبع ولازم بتره وبتروا اصبعها وتشافت لمدة شهر وبعدها حست بألم في ظهرها ولما راحت قالوا لها الورم صار بالعمود الفقري واستمرت على الرقيه وخلال القراءه عليها تحدث بداخلها الجان بأسم الله على الجميع وقال للشيخ اللي سحرتها الشغاله
لكن المرض انتشر مما سبب لها شلل كامل وصارت ماتحس بنفسها ويلبسونها الحفائظ ومع ذلكك استمرت على قراءة القرآن
سافر اخوها لأندونسيا لبيت الشغاله وقالت مااقدر اسوي لها شي بيموتني هنا اللي سحرتها
عندهم بيموتوني الجان بس خذوا ثوبها اللي سحرته بها واحرقوه لكن مافيه فايده
بعد فتره وصل الورم للمخ وقامت بنت عمي تضيع بالكلام واصبحت شبه فاقده للذاكره وبعد فتره بسيطه وصلت للمرحله الاخيره ونقص الاوكسجين عندها وتوفاها الله
الله يرحمها ويغفر لها ويسكنها فسيج جناته الكل يحبها وزوجها ميت من الحزن عليها والله ان زوجي يقول ان بالمقبره انه يبكي زي الاطفال ويبوس التراب اللي ينحط على قبرها


حبيت اقول لكم قصتها عشان تدعون لها وتنتبهو من هالاندونسيات الله يكفينا ويكفيكم شرها
واعذروني على الإطاله بس من حرصي عليكم وحزني على بنت عمي بغيت افضفض عندكم شوي ماني قادره انام زي الناس بس صورتها قدام عيني وضحكها وسوالفها الحلوه ونظافة بيتها وكل شي فيها زين بس مالها حظ بالدنيا الله يعوضها الجنه ويسامح مرة ابوها وام زوجها على اللي سووه فيها والله ان ام زوجها تبكي في العزا بكى يحزن وتقول راحت الصباره راحت اللي ماتقول الالبيه وسمي توها تحس بطيبتها الله يهديها