الله يسعدكم دنيا واخره ويرضا عليكم

]السلام عليكم ورحمة الله وبركاته
كيفكم يا اخواتي هذي اول مشاركه لي عموما في المنتديات
والله العالم كيف اني مرتاحه لكم ولمنتداكم
انا حاليا امر بتجربه قاسية والحمدلله على كل حال فعلا وبحاجه لكم ولنصايحكم وتجاربكم
انا تطلقت صار لي اسبوعين تطلقت بعد زواج دام اربع سنين تعرضت فيها لامور الله العالم فيها وعانيت من تجارب قاسية وهذي ماهي اول مره اتطلق فيها سبق وطلقني زوجي ورجعنا لبعض بعد ست شهور وجلسنا بعد الطلاق شهر واحد بعدها لميت حاجاتي وجلست في بيت اهلي ست شهور طالبه الطلاق وهو ماهو راضي يطلقني بعدها تدخل احد افراد الاسره ورجعنا لبعض بعد ما رجعنا جلسنا مع بعض تقريبا سبع شهور وطلقني للمره الثانية المشكله انه بعد ماطلقني للمره الثانيه حسيت بتأنيب ضمير وبالندم لاني انا اللي طالبه الطلاق بعد ماكلمت ابوي وانا منهار وابكي واقوله انا ماابي زوجي وابيه يطلقني وكلمه ابوي وغلط عليه في الكلام وقاله يطلقني وكمان المشكله الحين اني اتذكر الاوقات الحلوة اللي مرينا فيها لانه في الفتره الاخيره تحسنت علاقتنا وتقوت وتغيرت فيه اشياء للاحسن لانه في بداية زواجنا ماكنا قريبين من بعض بالمره كان احنا اغراب ما نعرف بعض ولاحاول انه يتقرب مني او يعرفني ويكسبني ولا كنا عايشين مع بعض كان في الرياض وانا في الخبر وكان يغيب عني بالشهر والشهرين مايشوفني ولا يكلمني مع انه كنا لسا عرسان وكان يسافر كثير لوحده يعني ماحبني بس انا ماتمنيت انه يحبني بس كنت ابيه يهتم فيني ويتحمل مسؤوليتي ويؤدي واجبه اتجاهي لانه من النوع اللي مايتحمل المسؤولية نهائي ولا يلتزم بمواعيدي استمر الوضع هذا سنتين والسنه الثالثه طبعا ما قضيناها مع بعض لاني كنت مطلقه الطلقه الاولى لست شهور والست الشهور الثانيه كنت في بيت اهلي طبعا مابينا اطفال وانا فحوصاتي سليمة وهو مارضا يفحص واغلب مشاكلنا كانت على العلاج والفحوصات وعدم التزامه بالمسؤوليه وبتقصيره معاي وكانت شخصيته غريبه انطوائي مايجلس مع اهله ولا مع الناس واكتشفت انه يعاني من مشاكل تفسية وياخذ دوا مضاد للاكتئاب واحب انبه انه متعلم في اريكا وجلس فيها سبع سنوات طبعا هذا قبل الزواج اسفة طولت عليكم فعلا محتاجه ولو كلمة منكم وقفه ومساعده منكم