الله يصبرني:(

السلام عليكم
انا قصتي طويله بس ابختصرها
انا متزوجه لي سنتين وعندي ولد عمره 8شهور وانا عمري 18
زوجي كان احسن الرجال كان مدلعني مره واي شي اطلبه ينفذه وعاد انا تراني ماقصرت معه بعد
الحين له سنه متغير علي كل يوم يدور مشكله يعني مثلآ في الليل عسل وبعدين اذا صحى صار واحد ثاني مدري ليه
انا كم مره اصارحه اقول ليه انت دايم تدور المشاكل بعض الايام يضحك يقول مدري عني وبعض الايام يقول انتي الغلطانه انتي وانتي والمشكله ماسويت شي توني صاحيه اقول وش بغيت غداء يقول مدري اللي تبين اف وينافخ
المهم استمر على الطبع
الحين تقريبآ له 4 شهور وهو معه البلاك بيري دايم ماسكه 24 ساعه ماسكه مايفارقه ابد حتى اذا راح لدورة المياه الله يكرمكم معه وحتى اذا خلص نايم معي قسم بالله بسرعه يمسكه وحتى في السياره يسوق ويسولف
انا خلاص مليت من تصرفاته كل يوم كل شوي ماسكه حتى مع الغداء والعشاء انا خلاص انجنيت منه
مايسولف معي ابد ولا درى عني ولا حتى ولدي
انا خلاص من كثر مايمسكه صرت اشك انه يغازل مافي احد ادمان الا هو يغزل حتى والله يسهر عشانه اماا انا لو اتشحذه اقوله ودي بس يوم تسهر معي نسولف يقول لا بكره جامعه واذا صار بالاجازه يقول انا صاحي مبكر فيني النوم
المهم مليت منهقبل شهر تقريبآ
جاب مودم وهو كليوم من يصحى الى ينام وهو عليه بالمجلس
وانا بس بالمطبخ منقهره او بالصاله او عند ولدي
ودايم يدور مشكل عشان يجلس كل شوي عليه
المهم انا مره رحت لمسجل المحادثات لقيت يسولف مع بنات انا خلاص انهبلت رحت اركض قبل لاينام واصارحه
بديت من الصدمه بس اضربه واصيح اضربه واصيح واقوله ياخاين ياقليل الادب
وهو ساكت يدري انه غلطان المهم مسك ايدي قال والله لااكسرها لك
وانا خلاص حبيبي عمري زوجي يسوي كذا حسبي الله عليه
ويدخل مواقع وسخه مره ويدخل موقع زواج انا ادري بس يستهبل مو يدور
ايه الدنيا
قبل اسبوع جاء لمي وقال ترى ابودي اهلي لمكه واذا ودك تروحين تعالي حياك الله
انا خلاص بديت اصيح صرت انا الغريبه وهم الاساسين
انا خلاص قلت ابروح واتوكل على الله واصبر
وقلت لا ابرح معكم قال شوفي ترى يمكن كل الوقت ابجلس اخوياي
لاتقولين ليه تأخرت وليه وليه اسكتي وخلك مع اهلي
انا خلاص بس اصيح مليت منه ومن تصرفاته
انا توكلت وقلت ابروح
وكل يوم يقلون بكره الروحه وامس اخته جت عندي تقول لا مو مكه الطايف
انا خلاص حسيت نفسي غريبه لايعلمني متى نروح ولا يعلمني وين نسكن
اه مليت علموني
كيف اتصرف معه؟؟
وكيف اطنشه ؟؟
تقريبآ التطنيش ينفعه شوي
بس انا مااعرف اطنش وعصبيه مرررررررررررره
الله يصبرني
وردو علي