الله يفرج هم اللي تساعني ويصلح حالها

السلام عليكم ..
ترددت كثير عشان اكتب ان شاء الله الاقي حل لو شوي ..
المشكله الاوله .
ام زوجي انسانه غريبه بكل معنى الكلمة وربي اني طيبه معاها لابعد حد حتى لو غلطت علي اعتذر وكاني الغلطانه عشان ما اسوي مشكلة معاها وما ازعل زوجي..تحب تدخل فيني مثلا فين خرجت .. وايش نوع الجنين وقلت لها نوع الجنين وصارت تقول للكل فلانه حامل بكذا وبتسميها كذا وانا دوبني في السابع .. طفشتني عشان احمل وانا وراي دراسه وحملت ولما حملت وربي ماشفت خير منها مع اني جنبها لاتساعدني ولا تخلي بناتها يساعدوني واذا كنت لوحدي ماترسل لي اكل غدا وكذا تعرف اني تعبانه لكن اذا زوجي فيه ترسل قدامه ... لما يجوني ضيوف وما اقولهم من بدري تروح تقول لولدها وتخليه يعصب علي وبعدين تسوي انوا موقصدها ..مع انوا يجونهم ضيوف ومادري غير في الليل ..واخواته مايحترموني واذا اعطيتهم شي مايرجعونه زي اكسسوارات وملابس يخرجون فيها لين يطفشون ..اخوهم الصغير معذبني كل شوي يدق علي الباب وياخذ كل شي حلويات ايس كريم واذا قلت مافي يقول لا بدخل بشوف واذا كان الباب مفتوح يدخل يفتش بغرفة النوم والبيت والمطبخ اذا فيه شي ياخذه لدرجة اذا ما في شي ياخذ حتى لو لبن وساعات ياخذ شي ما يبغاه بس كذا اهم شي ياخذ ..وربي كل ما اشتري شي ياخذه ومرا قلت لزوجي وقال انتي ماتحبين تعطين الصغار فهم غلط صرت ما اتكلم ..مع انوا احيانا زوجي يطول برا البيت ويشتري لي اغر اض يقوم ياخذها الصغير ..موبس هوا حتى اخوه الثاني ..
ومرات اخت زوجي كمان تجلس عندي وقبل تخرج تاخذ كم شي من المطبخ وتطلع مع انها كبيره ..
واذا دق الصغير علي الباب ومافتحت كنت في الحمام او اوصلي او اي شي لازم اذا زوجي جاهم يقولون له زوجتك ماتفتح لنا حتى المشكلة يعرفون ليه ما افتح واقولهم كمان انا كنت اصلي كنت اتروش...الخ بس لازم تقوله اني ما افتح لهم ..

حتى مرا زوجي قال انتي تكرهينهم ..
....
المشكلة الثانيه وهيا اساس المشاكل ..
بيتي مفصول عن بيتهم بس فيه بابين باب للشارع ..وباب مشترك معاهم قبل اتزوج عمتي كانت مصره على هذا الباب وسوته ..مفاتيح بيتي عندهم طبعا ..وصرت اشك انهم يدخلون وانا مو فيه ..والعذر انوا المفاتيح معاهم عشان المجلس مشترك وعلى اساس يسون مجلس لوحدهم بس بعد الزواج خلاص قالوا مولازم ..من جد ما ارتاح ومفاتيح بيتي معاهم ومرا قلت لزوجي ماله داعي وعصب بشكل مو طبيعي ..وبابا قال لو لقيتي سبب او شفتيهم دخلو بغير اذن اخليهم يسكرونه ..بس مالقيت عذر طبعا مارح يفتحون باب بيتي قدامي ..
نفسي اللقى عذر عشان يتسكر واستقر وارتاح ..

...
مشكلتي مع زوجي اذا جلس في البيت كل شوي عند اهله ولازم يوميا يجلس اقل شي نص ساعة ..وساعات اكثر وساعات ينساني ..ابو زوجي بس يحرش ولده على اقاربنا وعلى ابوه ..وصاورو اذا سمعو اي سالفة يسون اجتماع عائلي ويتناقشون وساعات ياخذ مني الاخبار ويروح يطول عند اهله ويتناقشون ..وصرت ما اقوله شي وساعات على نياتي ..
امه تكلمه على كل شي يخص الحريم فلانه حلوه ..فلانة سوت ..الخ ومتسلطة على كل شي حتى تفتح رسايل عمي وتشوف هوا وابوي ايش يقولون وتروح تقول لي اولدها ..
من جد عايلة غريبه وكرهتهم حتى مايحبون احد يجيهم او يخرجون عند الناس عشان محد يجيهم مع انو عمتي موظفه ..

واخر شي اكتشفت انو ابو زوجي لما عمتي تروح الدوام ينام مع الشغالات ومتاكدة من هذا الشي ..

وصرت اخاف يوم من الايام زوجي زي ابوه ..

,,,,,,,,,,,,,,,,,,,,,,,,,

انا وزوجي نقرب لبعض بس تزوجنا عن حب وانا احبهه هوا يعشقني بس المشاكل هذي كولها بدت تمحي الحب من قلبي ..صرت امثل واحط في قلبي ولا اشتكي لزوجي ..
زوجي بدون هذي الامور مافي احسن منه ..

..................................
اسفة طولت بس اقل شي اني فضفضت ...تعبت حامل وعلي كل هذي الضغوط وانا صغيره

الله يفرج هم اللي تفرج همي يااااارب