السلام عليكم ورحمه الله وبركاته
كيف حالكم يا اخواتي
ان شاء الله طيبين وشلون العطله معاكم ان شاء الله مستانسين :)
يابنات ابغاكم تقرون السالفه وابي منكم الحل
بيوم من الايام دقت علي خويتي قالت لي انها بتتزوج فرحت لها ودعيت لها من قلبي لاني احبها مررره طيوبه وحبوبه ومرررررره فرفوشه يعني باختصار تعرف تونس اللي حواليها
المهم تفاجات اليوم تدق علي وصوتها ماعجبني ابدا
استغربت وسالتها وش فيك يافلانه طبعا انا حطيت ايدي على قلبي
خفت تقولي شي انا ما ابي يصير لها قالت ضايق صدري انا طفشانه ودقيت بفضفض عليتس قلت لها اوكي سمي امري وش اللي مضيق صدرتس
سكتت شوي وبعدها تكلمت وكانت مره منفعله قالت لي تخيلي صارت ملكتي قبل اربع ايام والرجال مايبغاني اكلمه يقول المكالمات مالها فايده واصلن المكالمات ماتوضح الا الاشياء السلبيه تخيلي ماكلمته من الملكه الا ثلاث مرات وكلهن تقريبا 5 او 10 دقايق بالكثير وين اللي يقولونه الناس عن المكالمات فتره الملكه وهو يقولي انا ما احب اكلم بالجوال وانا احب اتكلم معك فيس تو فيس عشان اشوف تعابير وجهك وتقولي زوجي ذككككككككي بالمره يسال اسئله مباشره مالها داعي المكالمه ممله جدا جدا مافيها سواليف اغلبها سكوت بالمكالمه الاخيره ماسولفو الا قليل وهو مكلمها عشان يتفقون على الشبكه خويتي انقهرت حست انه ماكلمها عشان يتطمن عليها لا كله عشان يتفقون متى الشبكه وين ومتى ومن هالكلام وبعدها خييييم عليهم السكون محد تكلم منهم ظلو ساكتين فتره بعدين خويتي تنهدت وهو سمعها لانها طفشت حست انه متصل عليها عشان الشبكه بس مو عشانها قالها شفتي المكالمات مالها داعي وماتجيب الا المشاكل خلاص انا ماراح اكلمك الا مره بالاسبوع وش رايك ردت عليه قالت له لا هذي احلى فتره بيننا ولازم اتعرف عليك وانت تتعرف علي اكثر قالها لا احب يكون كل شي بيننا فيس تو فيس
واذا انتي اشتقتي لي او اذا بغيتي شي كلميني
للمعلوميه زوجها عمره 37 وهي عمرها23
واخواتها ثنتين اكبر منها ومتزوجين وكلهم كلمو ازواجهم بعد الملكه اللي حسيته من خويتي انها تقارن بين زوجها وبين ازواج خواتها او وش صار بينهم بفتره الملكه
زواجهم راح يكون بشهر 11 يعني باقي عليه خمس شهور
هي تقولي وش رايك اوافق واخليه يكلمني يوم بالاسبوع ولا اكلمه واخليه ولا كيف وش اسوي
انا نصحتها انها تكلمه بين فتره وفتره
وماتخليه وبرضوه ترسل له مسجات تسولف عليه يعني تقوله وش سوت بالظبط وين راحت وانها سوت كذا وراحت للمكان الفلاني وبنفس الوقت تساله عن مكانه وهو وش يسوي ومن هالكلام
يعني تجرجره بالهرج
هاه بنات وش رايكم اللي قلته له صح ولا لا
وش الحل الامثل مع هذا النوع من الرجال
على فكره انا متزوجه لي سنتين يعني عندي خبره شوي ودي اسال ابو الشباب عن طبيعه الرجال اللي كذا وش الاشياء اللي تصلح معهم لاكن زوجي مسافر :44:
دعواتكم لي ان الله يحفظ لي زوجي ويستر عليه ويرده لي سالم غانم يارب
على فكره اول مره انزل موضوع ياحبيلكم والله ماجاء على بالي الا الحوائيات هم اللي بيحلون لي مشكلتي
azizh @azizh
عضوة
يلزم عليك تسجيل الدخول أولًا لكتابة تعليق.
لا لا لا لا
وش تكلمه وتطارده ماينفع
وبعدين فعلا فيه رجال مايحبون المكالمات
بعدين لازم تثقل شوي والا تصغر بعينه وشو اذا اشتقتيلي كلميني هو المفروض الي يدق مو هي!!
مافيه اشين من الوحده تطارد الرجل وهو توه مادخل عليها
وياكثر الرجال الي مايعرفون يكلمون يعني شي اسمه سواليف باالتلفون مايقدرررررررررر
وش تكلمه وتطارده ماينفع
وبعدين فعلا فيه رجال مايحبون المكالمات
بعدين لازم تثقل شوي والا تصغر بعينه وشو اذا اشتقتيلي كلميني هو المفروض الي يدق مو هي!!
مافيه اشين من الوحده تطارد الرجل وهو توه مادخل عليها
وياكثر الرجال الي مايعرفون يكلمون يعني شي اسمه سواليف باالتلفون مايقدرررررررررر
azizh
•
اختي شموخ ورذاذ الرياض وام رناده و ركايز الف شكر لكم والله فعلن هذا احسن شي
يمكن هو قصده يختبرها او مايحب الهذره بالجوال
يمكن هو قصده يختبرها او مايحب الهذره بالجوال
لا يمكنك مشاهدة هذا التعليق لانتهاكه شروط الاستخدام.
كلام صحيح يمكن يختبرها خليها تركد .........
الصفحة الأخيرة
ولاحقه على النشبه ههههههههههه