الله يوفقك كل المعلمات اللي يقرون موضوعي

السلام عليكم ورحمة الله وبركاتة
كيفكم ياموظفات ومعلمات وكوووووووولة

و كيفكم مع بداية الدوام اليوم اول يوم
اتوقع كلكم تقولووووون اووووووووف الله يعين بدت الدوامات
انا اقول لكم اشكروا الله على ذا النعمة
يمكن بعضكم يضحك علي
تدرون ليش اقول لكم كذا
لاني مع كل بداية عام دراسي تخنقني العبرة وانا اسمع الموظفات كل وحدة تقول للثانية يووووووووة بكرا بتبدا الدوامات
الله يزيدكم من فضلة ويرزقنا واياكم
انتم ترى بالعربي مازدتوني بشي
اذا انتم خريجات كليات انا جامعية
واذا معاكم دورات في الحاسب انا عندي حاسب ولغة انجليزية
يووووووووووووة معليش نسيت اعترف لكم بشئ

انتم زدتوني بشئ مهم انا وخواتي الثلاثة مانملكة
تدرون ايش
الواسطة
اللي يسمونها فيتامين واو

انا واسطة ماعندي علشان
كذا انا وخواتي عاطلات عن العمل
لكن لازال لدينا الامل
ولا يزال البحث جاري
الله يسخر لنا اطيب خلقة
لاتقولون احنا مانقدر نساعدك
انا ابي ادفع 20 الف لاي احد يوظفني
لاتقولون حرام ورشوة ترى المشايخ قالوا اذا ماتاخذ حقك الا بهذي الطريقة جائز بشرط الواسطة مايكون موظف بنفس مجال الوظيفة

اذا بتساعدوني كل معلوماتي في الخاص والله يوفقكم
بس اتمنى الموظفات يتفاعلوا معي
خاصة اللي توظفوا بفلوس
انا بدعي لكم واللي ارسلتينا لة بعد بيدعي لكم

وتفضلوا مني هذي القصيدة
الواو) حرف من الهجا ايَت كتاب يضمها
لكنها تمردت واصبح لها قدر وجلال

كبرت وصارت (واسطه) والواصل اللي خمها
واللي عجز ماخمها يصبر على نطح الجبال

الله على خطابها صاروا عيال لعمها
كل(ن) يقدم شبكته يبغى من (الواو) الوصال

يدرون فيها ظالمه خالط حلاها سمها
لكن عربنا (قصروا) واليوم يبغون الكمال!

(الواو) للي مرتكي بنت وخفيف(ن) دمها
لامن بغاها جابها يقودها في سلك شال

والا الضعيف المشتقي يركض ولاهو يمها
لو جالها بيقودها تقطع جديدات الحبال

اكبر قهر كيف الردي رجولته ماتمها
والواسطه) تاقف معه (يالا) شغاميم الرجال

اللي ماعنده (واسطه) سعادته ماشمها
يبحث عن الحاجه جنوب وحاجته باقصى الشمال

هذي سلوم (الواسطه) ماحد(ن) بقى ماذمها
كل(ن) شكى من ظيمها واولهم عيال الحلال

تخيلوا قرده غزال اسبابها(الواو)امها
وان صارت(الواو)امها فالقرد بعين امه غزال

يعني عشان (الواسطه) كل(ن) تصير يهمها
مانيب ابالغ بالحكي (الواسطه) فوق الخيال

(الواسطه) عند العرب تفاخروا في سلمها
وبديرة الغرب تهبا ماحصلت فيها مجال

ملعون ابو (هالواسطه) هم وذبحنا غمها
ركض(ن) بلياها مثل ركض العليمي بالنعال

الله يكرَمكم أجل لاجا الأمر من فمها
قام الدجاج بلا حيا ياطا على خشم الجمال

ياليت يصحى سلمنا يفكنا من همها
كان النظام العالمي يكتب بجرأتنا مقال






وسلامتكم