الليالي الخنفشارية ( عفوا الرومانسية )

هلا يا بنات .. هذي اول مشاركة لي في قسم الحياة الاسرية
واتمنى انها تكون خفيفة على قلوبكم
انا بتكلم عن قسم الحياة الاسرية اللي تحول الى قسم الليالي الرومانسية
مو معقولة يا بنات وش هالاهتمام المبالغ فية وش هالهوس في هالليالي
والافكار .. والحركات
معليش يا بنات بس معاد نقرا مواضيع هادفة ومفيدة .. كلها مواضيع
كيف تسعدين زوجك .. كيف تحببين زوجك فيك .. كيف ترقصين مع زوجك
كيف وكيف وكيف
احس وانا اقرا هالموضيع انا بنتحول الى جواري مو زوجات
طيب لاحظتوا معي كيف الاهتمام المبالغ بموضوع الاخت ام عمر .. والله
حتى انا ما اهتم بها المواضيع ارسلت لام عمر من الحماس ومن كلام البنات
وقريت الموضوع طبعا هي مشكورة ومجتهدة .. بس هل نقدر نسوي ربع الكلام المكتوب
ماادري وين الحياء وين الخجل .. بتقولون ما فية حياء بين الازواج.. صح مطلوب شوية
جراءة بس مهوب هالطريقة وهالحركات .. ماادري احس انا خجل المراة ميزة لها مو عيب
ومن جهة ثانية الازواج يختلفون وطريقة تفكيرهم تختلف من واحد للثاني حتى البنات
هنا يختلفون ..
طيب هل الازواج يقدرون هالحركات وهالتعب وهالتكلف اللي تسوينه .. يمكن البعض يقدر
بس اتوقع الاغلب لا .. ينبسط في لحظتها ومن بكرة ينسى .. انا مااقول انه ما يهتم فيك ولا
يحبك بس هذي طبيعة الرجل .. حتى لو تفكرون شوي في ذكرى الزواج
دائم الزوجة هي اللي تستعد هي تهتم هي اللي تذكر زوجها يعني كل شي عليها
ودائم نقرا عن شكوى الزوجات من عدم اهتمام ازواجهم بهالمواضيع اللي عن
عيد ميلادها واللي عن ذكرى زواجهم واللي عن الهدايا وانا ما يهتم ولا يقدر
انا من رائي ان الحياة الزوجية مشتركة حتى في الليالي الرومانسية يعني موانتي
اللي دايم تبدعين وتتكلفين لازم يكون الطرف الثاني زي تفكيرك وطريقتك والا بلاش منها
ويمكن تقولون فيه ازواج يهتمون ويحبون هالحركات .. طيب ينكتب موضوع او موضوعين
مو كل القسم يتحول لاقامة الليالي الرومانسية
حتى بعض البنات صاروا يتمادون في الكلام والوصف والله والواحد يستحي يقراءة ولايراعون
ان فية بنات ووو يقرون هالكلام يعني التلميح يكفي مو كل حاجة تكتبينها
عذرا يا اخواتي حبيت انبهكم ان الاعتدال مطلوب والحياة الاسرية مو كلها حياة خاصة