اللي أشوفه في السوق يسد النفوس

السلام عليكم ورحمه الله وبركاته
شلونكم يا حلوات رمضان قرب الله يبلغنا فيه وأياكم وكل من يعز عليكم
موضوعي اليوم حبيباتي عن السوووووووووووووووووق :27:المتنفس الوحيد لنا ونقطه ضعفنا الوحيده قدام أبو الشباب:arb:تلاقوني كرررررررررررف ليل ونهار :angry::7_2_103v:عشان يرضى علي ويخليني أروح للمنتجع عفوا أقصد السوق عموما ما أطول عليكم فعلا اللي أشوفه في السوق يسد النفوس وهو كالتالي:
1- اللي مو مبقيه لون من ألوان الطيف وملحقاته مو حاطته في عيونها وطقي هاللثمه وإذا جا واحد يعاكسها تزززززززززززعل وتشوفها إهانه لها ولشرف عائلتها الكريمه اللي مخلينها دايره بالأسواق بالمنظر هذا وأقولها بصراحه البنت اللي تطلع بالشكل هذا مو متربيه حتى لو كانت أمها منقبه ومتستره.
2- اللي تكشف وجهها وشعرها ولاقيها مغطيه فمها ( يا جماعه ما أبي أحد يعرفني) طيب ليه ما تنزلين الغطا من فمك شدعوه يا تكشفين يا تغطين مره أنا وزوجي دخلنا محل إلا وهاك المره من شافت زوجي حطت غطاها على فمها( وخزياااااااااه) والباقي كله طالع :blink:.
3- هالشباب اللي أشوفهم اللي الواحد فيهم كشته تقل حاط ( قشعه) فوق راسه والله ودي أجيب معي ( تب ماي) وكل ما مر واحد فيهم أقضبه من خشته وأغطس رويسه وأقضب مشط ومشطله كشته وإن لزم الأمر أجيب حنا وياي وحني روسهم أبرك وأفيد لهم.
4- بعض الأهالي الله يصلحهم يجون مع عيالهم ويلبسونهم زلاجات ويلا ياحبايبي بنتسوق ونرد لكم وتلاقين عيالهم مثل الجن رايحين وجايين كأنه ملعب مو سوق ويصدمون بخلق الله المصيبه أشوف نساء حوامل يعني يا ولي الأمر لو أحد من عيالك صدم مرأه حامل وصار لها شي المسئوليه تقع عليك أولا وأخيرا.
5- ليش ما يحطون حريم للملابس الداخليه والله خاطري في هالشي مره دخلت لاسنزا وفيها ولد عمره حوالي 13 سنه والله مسكين كان مستحي وخجلان ( شكله من الشباب اللي يتوظفون صيفي الله يحفظه) وأنا كنت في قمه الإحراج منه ما أدري متى هالكمخه وزير العمل يمنع توظيف الرجال في محلات الملابس الداخليه.
6- محلات المكياج من أدخل بسم الله الرحمن الرحيم إلا وهاك اللبناني ( ما يحطون إلا لبنانيين ما تلاحظون) ما يبقي شي إلا وحاطه لي يبيني أشتري كل اللى عنده الوحده تطلع من عندهم بألفين على شي مايسوى ( ملاحظه ترى اللبنانيين شطار بهالسوالف ) نصيحه مني كل وحده تدخل وتاخذ شي هي تحدده لا تسمعون كلامهم ترا شغلهم نصب في نصب يبون يربحون المحل على حسابك إنتي.
وسلالالالالالالالالالالالالالامتكم يا حلوات ويلا تفاعلكم وتجاربكم واللي تشوفونه
( اللي ترد وتقول لاتحشين بخلق الله ولا تروحين السوق تعطي نفسها العافيه ولا ترد أحسن):mad: